Wp/dga/Nana Akufo-Addo

Nana Addo Dankwa Akufo-Addo, (dɔgebo bebiri 29 Toloŋ kyuu 1944) e la Ghanaian pɔleteesa naŋ e Ghana yidaandɔɔ a yi 2017 saŋa. O da e la Attorney General yi 2001 te tɔ 2003 ane Minister ko Foreign Affairs yi 2003 te tɔ 2007 Kufuor naaŋ wagere.

Akufo-Addo piili la yidaandɔɔloŋ boɔbo 2008 poɔ ane 2012 poɔ la maale, a buyi zaa o maŋ gaa la Wɔɔ paate (NPP) bie yuori eŋɛ. A gbɛre buyi zaa eŋɛ o maŋ le la ko Kataweɛ paate bie: John Evans Atta Mills 2008 poɔ ane John Dramani Mahama 2012 poɔ. A 2012 general elections, naŋ da wa baare, o deɛ da ba sage a lɛ, a da de a yɛlɛ gaa ne kɔɔte na tage a electoral results, kyɛ Ghana supreme Kɔɔte da wuli ka Mahama la di a gyongyoŋ.

Ba da la iri o la ka o e a Wɔɔ paate yidaandɔɔloŋ bie a bota soba kyaare ne a 2016 general elections, ŋa eŋ, o da tõɔ la Mahama deedee lɛ a deŋɛ eŋ ( naŋ di ne 53.85% yi a nuuri ), naŋ e a danweɛ soba Ghanaian presidential election poɔ neɛ naŋ ba be naaŋ kyɛ di ne yageroŋ deedee a foɔrɔ soba. A da la e a danweɛ soba neɛ naŋ ba be naaŋ kyɛ daa yidaandɔɔ naŋ be naaŋ lɔɔ.

O la maale die la deedee ne yageroŋ a 2020 general elections eŋɛ a foɔrɔ sobaŋ ( di ne 51.59% yi a nuuri), a daa Mahama lɔɔ a buyi soba.

Disembare 2021 poɔ, Akufo-Addo polle ka o na bu la a gbɛre bota vuo bogi begere a Ghanaian constitution poɔ, a ko la gaa a bota soba 2024 poɔ.

Nyɔvore Piiluu ane Ganzanne

Ba dɔge la Nana Addo Dankwa Akufo-Addo swalaba Aŋkara poɔ Ghana, 29 Toloŋ kyuu 1944 eŋɛ, ko prominant Ghanaian royal ane political yideme naŋ e Adeline bidɔɔ ane Edward Akufo-Addo. O baaba Edward Akufo-Addo naŋ yi Akropong-Akuapem da e la Ghana chief justice bata soba a yi 1966 te tɔ 1970, dakogi zu soba ko a 1967-68 constitutional commission ane a non-executive yidaandɔɔ ko Ghana yi 1970 te tɔ 1972. Akufo-Addo's Ma-gbɛre nabaale la Nana Sir Ofori Atta, Akyem Abuakwa Naa, naŋ da e mɛmba ko a executive council ko a Gold coast governor sɛre ka Ghana nyɛ sommeŋɛ. O e la Kofi Asante Ofori-Atta ane William Ofori Atta puree bie. O are-nabaale la J.B. Danquah,  a mɛmba kaŋa ko The big six.

O piili la o peramere ganzanne Government Boys school, Adabraka poɔ,  a puoriŋ ka o leɛ gaa Rowe Road school, a zaa Accra central poɔ. O gaa la England na te zanne o o-lɛvɛl ane A-lɛvɛl E-nyɛ Lancing college poɔ, Sussex, be ka ba eŋ o yokpɛgelaa ''Billy'' a kpɛ a Anglican sagedeebo. O piili la a philosophy, politics ane economics course New college poɔ, Oxford, 1962 poɔ, kyɛ leɛ ka a ba kɔɔre a puoriŋ. O leɛ wa la Ghana 1962 poɔ na wa wuli Accra Academy poɔ, sɛre oŋ gaa na te kanne economics a Yuniveniti of Ghana, Legon, 1964 poɔ, o nyɛ la Bsc(Econ) degeree 1967 poɔ. Beɛlɛ beɛlɛ lɛ ka o gaa Middle Temple ka ba nyoore o, ka o leɛ lɔɔyɛ a apprenticeship system naŋ e a Inns of court eŋɛ, be ka ba ba soorɔ formal lɔɔ degeree yɛlɛ. Ba da boɔle o la a English Bar ( Middle Temple ) bɛntuuri kyuu 1971 poɔ. Akufo-Addo ne a Paris ɔfere ko a U.S. lɔɔ firm coudert Brothers toŋɛɛ la. 1979 poɔ, o co-found la a lɔɔ firm prempeh ane co.

Meŋɛ Nyɔvore

Akufo-Addo yi la Akropong-Akuapem ane Kyebi naŋ be a Taŋgõɔ Irigiŋ ane o baaba ne o ma zaa e la Presbyterian. O kuli la Rebecca Akufo-Addo (née Griffiths-Randolph ) gyɛɛgye Jacob Hackenburg Griffiths-Randolph bipɔge, the speaker of the parliament of Ghana a third Republic wagere. Akufo-Addo da daŋ taa la pɔgeba bayi sɛre kyɛ wa kuli Rebecca. Ba yoe la Remi Fani-kayode ane Eleanor Nkansah-Gyamenah. Akufo-Addo kultaa ne Remi baare ne la kultaa wɛltaa ba naŋ wa laŋ zeŋ ta wagere kaŋa, kyɛ Akufo-Addo ne Eleanor kultaa baare ne la kūū.

Akufo-Addo taa la o meŋɛ bi-dɔgere banaare ane o yɔɔ bie bon-yeni: Gyankroma, Edwina, Adriana, Yeboakua ane Valerie. O danweɛ kultaa ne Remi, Nigerian neɛ ko o la bipɔgeba bayi ane o kultaa buyi soba ne Eleanor ko o la bipɔge.