Wp/dga/Gbeɛdomɛɛ doma

Gbeɛdomɛɛ Doma (zibu)

Gbeɛdomɛɛ doma la Zibu bee Ziŋee. Zibu e la Gbeɛdomɛɛ doma bonso ona la da faa ba a yi neŋ ba yelwonii mine poɔ. A zuiŋ ba ba ɔɔrɔ o, ba ba koorɔ o meŋ. Ka ba kaŋaŋ gɛrɛ te nyɛ a zibu ŋa kaŋa ka o kpi gaŋ gba, sɛɛ ka o soba ŋmaa vaare pɔge o a wuli ka o uu o la bonso o e la ba kaŋa. Gbeɛdomɛɛ e la a bal na kaŋa naŋ poɔ Dagaaba naŋ zeŋ a Upper West region poɔ. Ba zenzeŋ la ziiri yaga aŋa; Nandom, Piina, Tizza, Jirapa, Bussie amk.

Boŋ Naŋ So ka Zibu E Gbeɛdomɛɛ Doma

Nensaale faare mine ba naŋ da boɔlɔ ba zabɔgere la da digire Gbeɛdomɛɛ ka ba zoro gɛrɛ te nyɛ tuu kaŋa a ŋmaa kpɛ o poɔ te sɔgele. Ba da ba baŋe be Zigɛrɛɛ meŋ. Lɛ la ka zibu naŋ be a tuu poɔ a deɛ da mele pɔge a tuu zaa. Ka a zabɔgere da waana wa nyɛ a zigiree a leɛ zo kyɛ bare Gbeɛdomɛɛ na. Be la ka ba deɛ yeli ka ba bikpeebɛ la daŋe na ɔɔ zibu. A ananso Gbeɛdomɛɛ naŋ kyiire zibu la a lɛ.