Wp/ddg/Benjamim de Araújo e Côrte-Real

From Wikimedia Incubator
< Wp‎ | ddg
Wp > ddg > Benjamim de Araújo e Côrte-Real
Benjamim Corte-Real

Aia-ira 1961 na malusuke, oras en hai Profesór Doutór, Benjamim de Araújo e Côrte-Real ia jerasaun unitokupasaun indonézia ihini na lafai.

Tava ratan Externato de São José naen istuda, símbolu lafai uni la´an rezisténsia kulturál em invazór ere fanu mica pa´i,uru-Agostu 1979 la´an Jullu 1984, nauvaraKímika i Jeografia isikola naen em torufanave, depois tava la´a Salatiga, Java naen, uru-Agostu 1985 micanen nu Universidade Satya Wacana naen istuda, i ivinae tava sai profesór inglés epul ihini ho teze tes uni fonolojia ihini la´an kompara tetun-epul ho inglés-epul.

Fulehe mau Timór Lorosa'e, tava Departamentu Inglés-epul Universitas Timor Timur naen fanavanafa´i, antes la´a Austrália, Jullu 1992 micane, la´an kursu mestradu Linguístika Aplikada ivi hini eme. Maestradu em sai pa´i tava doutoramentu Linguístika Macquarie University Sídnei na´e ali eme, no 1998 mica em sai pa´i ho ho i disertasaun Mambai and its verbal art genres – A cultural reflection of Suro-Ainaro, East Timor, la´an lia-na’in manbae i arte ere. Fulehe ma´u UNTIM naen fanavana fa´i, no uru Marsu 1999 tava Macquarie University na´en ali nei isikola.

Karu hal referendu ihini faí tu tava ho i familia nauvara i moco tupurmoko tainta malusuke tavar nauken Austrália ihire hal ta nausai, uru Marsu 2000 micane tavar tainta fulehe ma´u. Novembru aia-ira i micane, tava o dosen uni universidade miri Timór ihini: Universidade Nacional Timor Lorosa'e.

Uru Jullu 2001 tava nomeasaun simu nu’udar diretór Institutu Nasionál Linguístika ihini, Governu it em nama´i, no Setembru micane universidade tava na cu´e tu uhulen Reitór UNTL ihini. KaruINL ho UNTL puhu coto tava jen hin tali more nu polítika linguístika em emerpela´a ho kultura no identidade nasionál Timór Lorosa'e ihinim kesin pa´i, ivit epul ofisiál ece, portugés-epul ho tetun-epul. Tava materiál lafan kapar hai kere tetun-epul, tava o profesór, tradutór uni i ma´ar lafan kapari tava konsidera katak tava i projectu laan epul Timor ihini varim emerpela´a.