Wp/dar/Мунги ГIяхIмад

далайси Мунги ГIяхIмад акIубси сай 1863 ибил дуслизив ГIярбукIла шилизив мургьи-арцла устала хъалибарглизив. Гьар секIал багьес дигуси, сакIубси, масхурти дигуси урши лебтасалра дигахъи. БегIтани илизи устадешличил барх динна багьудира касахъес кьасбарибсири. Амма далуйти цахIнадирхъес пагь лебси уршили далуйтачил чула шанти разибирулри. ВиштIали вирухIелил, 5 дус виубхIели, илала неш ребкIибсири. Илала дудеш цархIил хьунуйчи хъайчикайибмад, ГIяхIмадлис кьутIкьути гIямру дехIдихьибтири. КьацIли велкъес имканагарси цIуръа уршили бегI гьалаб ишгъуна далай цахIнабяхъибсири. Убай абала кьяркьдеш, Дудешлара сукъурдеш. Иш кьацIара биштIадеш, Нусилара букIулдеш. ХалаваибхIели, ил гьарли-марси мургьи-арцла уста ветаур. Амма халкьла уркIбазив далайла машгьурси уста сайливан калун. Сунела далуйтазиб Мунги ГIяхIмадли мургьи-арцла устнала гIямру сипатдариб ва бархьдеш агарси дунъя батIун, ил гIяхIлашал барсбирниличи сунела хьул чебаахъиб.