Wp/dar/ГIябдусамад ХIямидов

ГIябдусамад Мустапала урши ХIямидов акIубси сай 1966 ибил дусла апрельла 21-личив Лавашала районна МикIхIила шилизив.

Биография

Сай акIубси шилизиб урга даражала ушкул таманаили гIергъи, Дагъиста политехнический институтлизи керхур. 1989 ибил дуслизиб илаб белчIуди хъараахъурли гIергъи, Дагсоветлизибси «Динамо» спортобществола спортсооружениебала инструкторли узескайиб. ГI.ХIямидов пергер хъалибаргла бекIра сай. Ила­ла урегал дурхIя адабчебти ва духути саби.ХIера, илдигъунти баянти сари дарганталацунра ахIи, лебилра дагъистанланталара пахрули ветаурси дубурланна гIямруличила. Илди далилтани чебиахъу­ли саби ГI.ХIямидов мурхьти багьудлуми касибси ва кьуватлашал гьарли-марти дебш касибси виъниличи­ла. Адаб-хIяяли ахъуцибси сабур-яхIли шалаварибси илгъуна адамли бахълис гIяхIдеш бирни сунела гIям­рула бетуцли чебиу. Илкьяйдали ахъси къуллукъ­личивси микIхIен дебшла шандангъуна дубурлай, гIядатла адамтала уркIби иргъули, дагъистанлантала гIямруличи гIяхIлашал асарбарести далдуцунира ду­радуркIули сай. Къияндешунани адам кьакьавикIахъуси ишгъу­на манзиллизив хамдеш-пахру агарси, адамдешлис ахъси кьимат бедес балуси, кагибти баркьудлумала вегI гIяхIгъабза айкьурси МикIхIила ши сунела урши­личи пахрума хIебиркьес хIебирар. ГIе, багьадуртала гIевдухь саби МикIхIи. Илаб дигалли гIялимтани, ди­галли политикунани, дигалли творческая интеллиген­цияли, … гьарли-марти дубурлан дебш касибти сари. ХIямидовхъала ва цархIилти машгьурти хъа­либаргунала вакилтанира челябкьлализир гIурра дахъал чедибдешуни дирахъниличи дирхехIе

Политика

1991 ибил дуслизиб ГI.ХIямидовличи «Эльбин» банкла филиалла управляющийла заместительла къуллукъуни хъардариб. 1992 ибил дуслизиб илини халкьани-ургабси уп­равлениела ва вачар бузахънила институт таманаиб ва «Арц ва кредит» санигIят касиб. ГIур халкьани-ур­габсивачарла ва ихтиюртала институтра таманаиб.1993 ибил дуслизив «Эльбин» банкла Правлениела председатель ветаур. Дус дикили гIергъи биалли ГIябдусамад ХIямидов Россияла Сбербанкла Дагъиста отделениела председательла заместительли катур.1995 ибил дуслизив ГIябдусамад Мустапаевич депутатли викIиб, Дагъистан Республикала Халкьла Собраниела (парламентла) подкомитетла председа­тель вариб. 2001-ибил дуслизиб ГI.ХIямидовли Дагъиста пачалихъла университетлизиб «Пачалихъла ва вегI­дешла управление» ибси санигIят касиб.1996 ибил дуслизив ГIябдусамад Мустапаевич Дагъиста финансунала министрли катур. 2013 ибил дусла июльла 25-личив Дагъистан Республикала Халкьла Собраниели ГIябдусамад ХIямидов респуб­ликала премьер-министрла къуллукъличи катур. ГI.ХIямидов ДР-ла спортла азадли мушулбашнила шайчивси Федерацияла президент сай. Мушулвашес ил вехIихьибсири 1976 ибил дусличивад, ва 1988 ибил дуслизив РСФСР-ла чемпион ветаур. Дус дикили гIергъи СССР-ла чемпионатличиб хIябъибил мер сар­ хибсири. 1985 ибил дуслизиб дунъяла спортсменти�ургабси гьалабдеш багьанданси абзлизив чедиикиб.