Wp/crs/Lerop
.svg)
Lerop i en kontinan ki trouve antyerman dan lemisfer nor e laplipar dan lemisfer les. I borde avek Losean Arktik dan nor, Losean Atlantik dan was, Lanmer Mediterane dan sid, e Lazi dan les. Lerop i partaz later Lerazi avek Lazi. Lerop i kouver apepre 10.18 milyon kilomet kare, oubyen 2% sirfas later (6.8% siperfisi later), ki fer li dezyenm pli pti kontinan. Politikman, Lerop i divize an apepre senkant leta souveren, kot Larisi i pli gran e pli peple, ki kouver 39% kontinan e konpri 15% son popilasyon. Lerop ti annan en popilasyon total apepre 745 milyon (apepre 10% popilasyon lemonn) an 2021; trwazyenm pli gran apre Lazi ek Lafrik. Klima Eropeen i ganny afekte par bann kouran Atlantik so, tel ki Gulf Stream, ki prodwi en klima tanpere, ki tanper liver ek lete, lo laplipar kontinan. pli lwen avek lanmer, bann diferans sezonnel i pli remarkab ki prodwi plis klima kontinantal.
Kiltir Eropeen i konsist en seri kiltir nasyonal e rezyonal, ki form bann rasin santral dan sivilizasyon oksidantal pli larz, e ansanm i komenman referans ansyen Lagres ek ansyen Ronm, partikilyerman atraver zot bann sikseser Kretyen, koman bann rasin krisyal e partaze. Apartir tonbe Lanpir Romen Was an 476 CE, konsolidasyon Kretyen Lerop dan lavey Peryod Migrasyon ti mark Mwayenn Az post-klasik Eropeen. Renesans Italyen, ki ti sorti Florence, ti propaz lo larestan kontinan en nouvo lentere imanis dan lar ek lasyans ki ti anmenn ver lepok modern. depi laz dekouvert, dirize par Lespanny ek Portigal, lerop in zwe en rol prensipal dan bann zafer mondyal avek plizyer leksplorasyon ek konkistwar atraver lemonn. ant 16enm ek 20enm syek, bann pwisans Eropeen ti koloniz a diferan moman Lanmerik, preski tou Lafrik ek Loseani, e lamazorite Lazi.