Wp/crs/Langaz Franse
Langaz Franse i en langaz Endo-Eropeen dan lafanmir langaz Romans. Franse i ganny koze, an 2023, lo tou kontinan par apepre 321 milyon dimoun: 235 milyon i servi li toulezour e 81 milyon i bann lokiter natif. an 2018, 80 milyon etidyan ek etidyan in aprann an franse atraver lemonn. dapre lorganizasyon enternasyonal la frankofoni (OIF), i kapab annan 700 milyon lokiter franse lo later an 2050.
Franse i senkyenm langaz koze dan lemonn apre Angle, Mandarin, Endyen ek Espanyol. i osi dezyenm langaz ki ganny aprann lo lemonn e trwazyenm langaz biznes ek komers. Franse i dezyenm parmi bann langaz etranze ki ganny ansennyen pli souvan dan lemonn. I osi katriyenm langaz ki ganny servi lo enternet apre Espanyol, Mandarin ek Angle, en langaz ki son vokabiler in ganny bokou anrisir par Franse. Dan lemonn, vennset leta i annan Franse koman zot langaz ofisyel. I enn parmi sis langaz ofisyel osi byen ki enn parmi de langaz travay Nasyon Ini. Franse i en langaz ofisyel ou travay pour bokou lorganizasyon gouvernmantal enternasyonal, enkli Linyon Lapos Iniversel e trwa lotorite regilatwar mondyal sistenm metrik. I osi langaz ofisyel oubyen langaz travay bokou lorganizasyon gouvernmantal rezyonal, tel ki Linyon Afriken oubyen Linyon Eropeen, e i osi langaz ofisyel oubyen langaz travay bokou lorganizasyon non-gouvernmantal enternasyonal, tel ki Komite Olenpik Enternasyonal oubyen Mouvman Enternasyonal lakrwa rouz ek krwasans rouz.