Wp/cop/ⲓⲁⲕⲱⲃ ⲡϣⲏ ϩⲉⲛⲁ

From Wikimedia Incubator
< Wp‎ | copWp > cop > ⲓⲁⲕⲱⲃ ⲡϣⲏ ϩⲉⲛⲁ
Jump to navigation Jump to search
ⲟⲩⲗⲓⲙⲏⲛ ⲛ̀ⲧⲉ ⲓⲁⲕⲱⲃ ⲡϣⲏ ϩⲉⲛⲁ ϩⲓⲧⲉⲛ ⲃⲁⲗⲉⲛⲧⲓⲛ ϩⲟⲙⲥⲓ

ⲓⲁⲕⲱⲃ ⲡϣⲏ ϩⲉⲛⲁ (1745, ⲙⲁⲛⲗⲁⲩ, ⲡⲓⲑⲱϣ ⲛ̀ⲑⲙⲟⲛⲏ – 1801, ⲙⲁⲣⲥⲓⲗⲓⲁ, ⲫⲣⲁⲛⲅⲓⲁ) ⲓⲉ ⲓⲁⲕⲱⲃ ⲡⲓⲣⲉⲙⲛ̀ⲙⲁⲣⲏⲥ ⲓⲉ ⲡⲓⲥⲧⲣⲁⲧⲏⲗⲁⲧⲏⲥ ⲓⲁⲕⲱⲃ ⲟⲩⲥⲁϧ ⲛⲉⲙ ⲟⲩⲥⲧⲣⲁⲧⲏⲗⲁⲧⲏⲥ ⲡⲉ ⲉⲧⲁϥⲉⲙⲗⲁϧ ⲛⲓⲙⲁⲙⲗⲟⲩⲕ ⲛⲉⲙ ⲛⲓⲣⲉⲙⲛ̀ⲧⲟⲩⲣⲭⲓⲁ ⲉⲧⲓ ⲡⲓⲙⲟϣⲓ ⲙ̀ⲫⲣⲁⲛⲅⲁⲥ ⲉ ⲭⲏⲙⲓ (1798 – 1801).

ⲡⲉϥⲱⲛϧ[edit | edit source]

ⲁⲩⲙⲁⲥϥ ϧⲉⲛ 1745 ϧⲉⲛ ⲙⲁⲛⲗⲁⲩ ϧⲉⲛ ⲫⲙⲁⲣⲏⲥ. ⲁϥⲉⲣⲃⲱⲕ ϩⲱⲥ ⲟⲩϣⲁⲗⲓⲟⲩ ⲛ̀ⲧⲉ ⲥⲟⲩⲗⲁⲓⲙⲁⲛ ⲡⲉⲕ ⲉⲧⲁϥϣⲟⲡ ⲡⲓⲡⲁⲅⲁⲣⲭⲟⲥ ⲙ̀ⲡⲓⲑⲱϣ ⲥⲓⲱⲟⲩⲧ. ⲁϥϫⲓⲥⲃⲱ ⲙ̀ⲡⲓⲉⲃϩⲑⲟ ⲛⲉⲙ ⲛⲓⲕⲉⲙⲉⲧⲥⲁϩ ⲙ̀ⲙⲉⲧⲙⲁⲧⲟⲓ ⲙ̀ⲙⲁⲩ.

ϧⲉⲛ 1786 ⲛⲓⲣⲉⲙⲛ̀ⲟⲥⲙⲁⲛ ⲁⲩϩⲓ ⲧⲟⲟⲧ ⲉ ⲇⲁⲙⲁⲍⲓⲛ ⲛ̀ⲭⲏⲙⲓ. ⲛⲓⲙⲁⲙⲗⲟⲩⲕ ⲙⲟⲣⲁⲇ ⲡⲉⲕ ⲛⲉⲙ ⲁⲃⲣⲁϩⲁⲙ ⲡⲉⲕ ⲁⲩⲫⲱⲧ ⲉ ⲙⲁⲣⲏⲥ ⲁⲗⲗⲁ ⲡⲓⲥⲧⲣⲁⲧⲏⲗⲁⲧⲏⲥ ⲛ̀ⲣⲉⲙⲛⲧⲟⲩⲣⲭⲓⲁ ϩⲁⲥⲁⲛ ⲁϥⲉⲣϩⲓⲫⲁϩⲟⲩ ⲙ̀ⲙⲱⲟⲩ ⲟⲩⲟϩ ⲁϥⲙⲁϣϥ ⲉϩⲣⲉⲛ ϯⲙⲓ ⲯⲟⲓ. ⲛⲉ ⲓⲁⲕⲱⲃ ⲡϣⲏ ϩⲉⲛⲁ ⲡⲉ ϧⲉⲛ ⲛⲓⲁⲗⲁⲥⲱϯ ⲛ̀ⲛⲓⲙⲁⲙⲗⲟⲩⲕ.

ⲡⲓⲧⲱⲟⲩⲛ ϧⲉⲛ ϯⲕⲁϣⲣⲱⲙⲓ, ϫⲓⲣⲟⲇⲉ-ⲧⲣⲓⲟⲍⲱⲛ

ⲁⲗⲗⲁ ϧⲉⲛ 1798 ⲛⲁⲡⲟⲗⲉⲱⲛ ⲁϥϣⲉ ⲛⲁϥ ⲉϩⲟⲩⲛ ⲭⲏⲙⲓ ⲟⲩⲟϩ ⲅⲉⲱⲣⲅⲓⲟⲥ ⲉⲗϫⲁⲟϩⲁⲣⲓ ⲁϥⲭⲁϥ ⲉ ⲉⲣⲙⲗⲁϧ ⲉϫⲉⲛ ⲡⲓⲥⲧⲣⲁⲧⲏⲗⲁⲧⲏⲥ ⲙ̀ⲫⲣⲁⲛⲅⲁⲥ ⲗⲟⲩⲓ ⲇⲉⲥⲱ ⲟⲩⲃⲉ ⲛⲓⲙⲁⲙⲗⲟⲩⲕ.

ⲙⲉⲛⲉⲛⲥⲁ ⲡⲓϫⲓⲛⲓ ⲉⲃⲟⲗ ⲛ̀ⲧⲉ ⲛⲁⲡⲟⲗⲉⲱⲛ ⲛⲓⲣⲉⲙⲛ̀ⲧⲟⲩⲣⲭⲓⲁ ⲁⲩⲕⲱϣ ⲡⲓⲥⲉⲙⲛⲓ ⲛ̀ϩⲣⲓⲛⲟⲕⲟⲣⲟⲩⲣⲁ ⲟⲩⲟϩ ⲡⲉϥⲥⲧⲣⲁⲧⲏⲗⲁⲧⲏⲥ ⲕⲗⲉⲡⲉⲣ ⲁϥⲙⲁϣⲟⲩ ⲉϩⲣⲉⲛ ⲱⲛ ⲡⲉⲧⲫⲣⲏ. ⲡⲓⲙⲁϩⲥⲛⲁⲩ ⲛ̀ⲧⲱⲟⲩⲛ ⲛ̀ϯⲕⲁϣⲣⲱⲙⲓ ⲁϥⲣⲁⲟⲩⲏⲟⲩⲧ ϧⲉⲛ 1800 ⲟⲩⲟϩ ⲛⲓⲗⲁϩⲙⲓ ⲁⲩⲙⲓϣⲓ ⲛ̀ⲛⲓⲣⲁⲃⲏ ⲛ̀ⲛⲓⲭⲣⲓⲥⲧⲓⲁⲛⲟⲥ ϧⲉⲛ ϯⲁⲛⲧⲱⲛⲓⲁⲥ. ⲓⲁⲕⲱⲃ ⲁϥⲉⲣⲛⲁϣϯ ⲙ̀ⲙⲱⲟⲩ. ⲙⲉⲛⲉⲛⲥⲱⲥ ⲁϥⲥⲱⲛⲧ ⲛ̀ϯⲗⲉⲅⲉⲱⲛ ⲛ̀ⲕⲩⲡⲧⲓⲟⲥ (ⲙ̀ⲙⲉⲧⲫⲣⲁⲛⲅⲁⲥ: Legion Cophte).

ⲛⲓⲫⲣⲁⲛⲅⲁⲥ ⲁⲩⲭⲱ ⲛⲥⲁ ⲭⲏⲙⲓ ϧⲉⲛ 1801 ⲟⲩⲟϩ ⲓⲁⲕⲱⲃ ⲁϥϣⲉ ⲛⲁϥ ⲛⲉⲙ ⲙ̀ⲙⲱⲟⲩ. ⲁϥⲙⲱⲟⲩⲧ ⲉⲧⲃⲉ ⲛⲓϣⲁⲡⲙⲁϧⲧ ϧⲉⲛ ⲙⲁⲣⲥⲓⲗⲓⲁ ϧⲉⲛ 17 ⲛ̀ⲁⲩⲅⲟⲩⲥⲧⲟⲥ 1801.