Wp/cnh/Dallas Laimi Tuanbia

Ahram Thawk

Dallas, Texas khua ah a phan hmasa bikmi hi Rev. Zam Mang a rak si. Dallas Theological Seminary ah khin Sianginn a rak kai i a dih hnu ah a rak tang behmi a si. Cu hnu ahcun, mi tlawm tete in a ra thluahmah i atu cu Laimi 2000 renglo kan um cang. Thuthmun a khuar hmasa bik cu Rev. Zam Mang asi i Saya Sang Maung nih Philippines in a panh. A nupi Ninon Mang a phan i cu hna cu Dallas ah Laimi chungin khua a sa hmasa bik an si. Rev. Tial Lian, Rev. Ngun Awi, Thawng Cung Lian, Sang Cung, Sui Sang, Dawt Tin Thluai le Van Uk nih an panh hna.

Khrihfabuu Derhnak

Cuti cun, Laimi duhsah tein kan rak phan lengmang i pumhnak kan herh tiah upa pawl nih khua an khan caah fellowship kan rak ngei. Mirang sinah pumh lengmang asi i Pi Dawt Tin Thluai nih Rev. Zam Mang sinah "U Mang, Mirang sin i kan i pumh ahcun mileeng kan lawh tuk pinah an holh tha tein kan thei kho lo, Laiholh in pumhnak kan tuahpi ko law kan umnak Apartment ah i puum ko usih" tiah a rak ti. Cuticun, Laiholh pumhnak hi Dallas ah a rak i thawk ning asi. A min ah "Dallas Chin Christian Fellowship" tiah rak auh asi.

Atu Lio Sining

Miharsa tampi Malaysia le kakip in kan rak phan hoi hna i tthanchonak a um bantukin zohdawh lo tete in kan umnak zong tampi a um cang. Peh tthan telai...

Australia Melbourne tuanbia tawi

Kan nih Australia Melbourne a ummi Laimi zong kan tthangcho chin lengmang. Hightschool a kaimi le University a kaimi zong kan tam chin lengmang nikhat hnu ni khat in. Bawipa tthatnak ruangah si hi bantuk in a kan phakter hi Pa thian nih a kan dawt tuk. Kan nih Australia Melbourne a ummi Laimi cu kan pa le thawng in Lai ca cawnnak kan ngei kho cang kanmah ram kan rak um lio hmanh ah kanmah ca si mi LAI ca cawnnak nawl a cozah nih siangin ah arak kan onh lo sina-te'n kanmah ram hmanh a si lomi mi ram dang ah 6/1/2010 ni in khan kan thawk ve cang