Wp/cho/Filanchi yakni

Shʋpha Filanchi yakni

Filanchi yakni yʋt yakni anu̱ka Europe.

Anukfilli yakni lumbo

Yakni lumbo Filanchi yakni

Filanchi yakni yʋt anu̱ka Europe hʋshi aiokatula pilla, satakchʋka ikbi at Okhʋta Biscay cha at Mi̱kilish Oka aiyanʋlli, cha satakla Belgium cha Spain. Satakchʋka bʋnakʋchi Mediterranean, cha satakla Italy cha Spain. Satakchʋka Belgium, Luxembourg, Germany, Switzerland, Italy, Spain, cha Andorra.

Filanchi yakni i̱shi 5 apehlichi fullota: French Guiana, Guadeloupe, Martinique, Mayotte, cha Reunion.

Kauehto

Kauehto moma yʋt 643,801 sq km, cha 551,500 sq km keyukma apehlichi fullota.

Hobachi kucha

Hobachi kucha anu̱ka i̱shahli Filanchi yakni i̱shi hashtula hochukwa cha toffa nita̱ki, cha hashtula nita̱ki cha toffa pʋlli kma abaiyʋt at bʋnakʋchi Mediterranean, cha kaniohmi aiona, sakilimpi, ahochukwa, cha chahto.

Holba yakni lumbo

Pyrenees anu̱ka Filanch yakni

Holba yakni lumbo anu̱ka i̱shahli Filanchi yakni yʋt yakni patʋssa anu̱ka falʋmmi pilla cha hʋshi aiokatula pilla, cha yakni bombʋki anu̱ka oka mahli pilla apiha Pyrenees, cha Alps anu̱ka hʋshi akuchaka pilla.

Tali holisso ima̱ka

Tali holisso ima̱ka anu̱ka i̱shahli Filanchi yakni yʋt tobaksi, tʋli, bauxite, zinc, uranium, antimony, arsenic, potash, feldspar, fluorspar, gypsum, iti, yakni imanukfila laua, cha nʋni.

Ahni yakni

Ahni yakni anu̱ka i̱shahli Filanchi yakni yʋt (2022 aiilli):

• yakni osapa: 51.7%
• yakni imanukfila laua: 34.1%
• na waya kamʋssa: 1.9%
• hʋshuk impʋchi kamʋssa: 15.7%
• ko̱wi chito: 31.8%
• inla: 16.5%

Okla cha iksa

Aholhtina hattak moma

Aholhtina hattak moma anu̱ka Filanchi yakni yʋt 68,374,591, apiha 33,557,094 hattak cha 34,817,497 ohoyo.

Lukoli okla

Lukoli okla anu̱ka Filanchi yakni yʋt 85% Filanchi okla, 10% Hattak lusa i̱yakni Falʋmmi pilla, 3.3% Hattak lusa i̱yakni, cha 1.7% Hattak Asia.

Anumpa

I̱shahli anumpa anu̱ka Filanchi yakni yʋt Filanchi anumpa.

Ʋba anumpa

Ʋba anumpa anu̱ka Filanchi yakni yʋt 47% Roman Catholic, 4% Muslim, 2% Protestant, 2% Buddhist, 1% Orthodox, 1% Jewish, 1% inla, 33% iksho, 9% chishba.