Jump to content

Wp/chn/yukʰan-stalu

From Wikimedia Incubator
< Wp‎ | chn
Wp > chn > yukʰan-stalu
yukʰan-stalu
yukʰan-stalu, pi kʰanawi iliʔi pus palach-kʰapa-yukʰan-stalu tsəqw.

ixt dret-yuɬqat pi skukum stalu yukʰan-stalu. yukʰan-stalu chaku-tənəs kʰapa iləp-kʰul iliʔi kʰapa kʰinchuch-kolombi-iliʔi, pi ukuk stalu kuli kʰapa yukʰan-iliʔi, pi ukuk stalu chaku kʰapa saltsəqw kʰapa alaska-iliʔi. hayu samən ɬaska miɬayt kʰapa ukuk stalu. yuɬqat kakwa 1,980 mayl (3,190 km.) ukuk stalu. kʰanumakwst hayu tilixam ɬaska munk-dret-kʰlin yukʰan-stalu, pus munk-dret-ɬush-pus-loqa tsəqw kʰapa ukuk stalu. Dinjii Zhuu tilixam ɬaska wawa Yuk Han əbə Ųųg Han pus "tk’up-tsəqw-stalu". kʰəpit lakit brich pus ch’ikch’ik ɬatwa inatʰay yukʰan-stalu.

anqati

[edit | edit source]

anqati hayu tilixam ɬaska munk ukuk stalu pus ɬatwa 1896 kʰul, qʰənchi hayu tilixam ɬaska chaku kʰapa alaska-iliʔi pi yukʰan-iliʔi pus iskam gul. kʰlandayk-uyx̣ət, chaku-kʰəpit kʰapa 1955 kʰul, pi ukuk uyx̣ət munk-q’wetɬ-kʰanumakwst xwaythas-tʰawn pi dasən-tʰawn, pi ukuk uyx̣ət ɬatwa inatʰay yukʰan-stalu.

hayu chinuk-samən, kʰwəxwə-samən pi t’səm-samən ɬatwa maɬx̣wəli kʰapa yukʰan-stalu kʰapa wam-iliʔi. hayu ukuk samən ɬaska ɬatwa manaqi 2,000 mayl (~3,500 km.) kʰapa yukʰan-stalu, hilu məkʰmək. kʰapa 2021 kʰul, alaska-iliʔi-la-tilixam ɬaska munk ixt chxi la: alta wik mayka munk-pish pus iskam samən kʰapa yukʰan-stalu, qʰiwa anqati manaqi samən ɬaska miɬayt kʰapa yukʰan-stalu.