Jump to content

Wp/chn/skakʰwəl

From Wikimedia Incubator
< Wp‎ | chn
Wp > chn > skakʰwəl
ixt skakhwəl t'uʔan hayu lita.

Skakhwəl (Petromyzontidae) ixt yułqat pish, pi hilu lapush-bon ukuk pish. Ixt luʔluʔ ikta skahkwəl yaka lapush. Skakhwəl məkhmək pish-pilpil (pi x̣luima x̣ələl-ikta khapa chəqw łaska pilpil), pi łaska miłait khapa khanawi tsəqw. Ixt skakhwəl t'uʔan lakit siyaxus: sax̣ali łaska latet makwst tenas pi x̣luima "siyaxust" miłait. Kwanisəm-x̣alaqł skakhwəl-lapush.

Iləp ulman skakhwəl chako 360,000,000 khul anqati.

qʰata skakʰwəl miɬayt[edit | edit source]

Skakhwəl mamuk phaʔ khapa pulali kikwəli stalu. Qhənchi ixt skakhwəl chako tenas, ukuk pish məkhmək chəqw-tipsu pi hayu-tenas x̣ələl Ikta. Tenas-skakhwəl miłait khapa tenas-łxwap khapa iliʔi kikwəli stalu, pi chako spuʔuq khapa pi pulakhli pi chako łiʔil qhənchi san chako. Pus hayu khul, kha tenas ixt skakhwəl. Wik-saya khəltəs ixt tenas-skakhwəl siyaxus.

Qənchi ixt skakhwəl chako hayash, hilu məkhmək pus łun əbə lakit mun. Khimt'a, skakhwəl-siyaxus chako łush pi ukuk pish iskam ixt skukum lapush pi hayu lita. Ixt łuchman-skakhwəl mamuk wik-saya 100,000 phaʔ, pi khimt'a ixt man-skakhwəl pi łuchman-skakhwəl chako khanumakwst pus musum, ukuk makwst pish chako-miməlust.