Wp/chn/Shiit'kha-saliks
kʰapa shiit'kʰa-saliks (ləshən-wawa: Сражение при Ситке), kʰapa 1804 kʰul, ɬinkit (dret Kiks.ádi pi Sheetʼká Xʼáatʼi tilixam) pi ləshən ɬaska chaku-saliks. ɬinkit-tilixam ɬaska munk ixt hayash skukum-haws, Shís'gi Noow, wəx̣t uk ulman Noow Tlein.
iləp ukuk hayash saliks[edit | edit source]
kʰapa 1795 kʰul, Alexander Baranof yaka ɬatwa kʰapa alaska-iliʔi (qʰa ɬinkit-tilixam ɬaska miɬayt), pus iskam hayu skaləmən-skin. kʰapa 1799 kʰul, Baranof yaka k'ilapay, kʰanumakwst 100 ləshən-tilixam pi 700 unangas-tilixam kʰapa 550 baidarka-kənim. ləshən ɬaska iskam tumach skaləmən-skin pi hayu ɬinkit-ɬuchmən, pi kʰanumakwst-ɬinkit-pi-kʰinchuch ɬaska fayt ləshən kʰapa 1802 kʰul (ɬinkit pi kʰinchuch ɬaska tuluʔ.)
ukuk hayash saliks[edit | edit source]
kʰapa 1804 kʰul, ɬəshən ɬaska k'ilapay, pi ɬinkit ɬaska munk ixt chxi skukum-haws: Shís'gi Noow ("tənəs-stik-skukum-haws".) dret hayash ukuk skukum haws (800ft/250m olrawn), pi tumach-skukum pus ləshən "hayash-məskit"-libal ukuk skukum-haws-q'əlax̣.
ixt-san (10-mun 1-san, 1804 kʰul.)[edit | edit source]
kikwəli ɬaska chxi saliks-tayi-man, Ḵʼalyaan, Kiks.ádi-tilixam. ukuk ɬinkit ɬaska p'əq Baranof pi ɬaska munk-miməlust 14 ləshən.
makwst-san[edit | edit source]
Lisyansky yaka chaku ləshən-saliks-tayi pus alaska-iliʔi, qʰiwa Baranof yaka t'uʔan hayu t'ɬəmxwən. Lisyansky yaka munk yaka hayu ship pus munk-p'u pi munk-kakshət Shís'gi Noow. dret-kʰəltəs ləshən hayash-libal kʰapa ɬinkit-q'əlax̣. ɬinkit-tilixam ɬaska hayu-hihi.
ɬun-san[edit | edit source]
ulman ɬinkit pi tənas-ɬinkit ɬaska ɬatwa saya sheet'ka, pi hilu ləshən ɬaska kəmtəks ukuk.
lakit-san[edit | edit source]
ɬinkit ɬaska chaku-kʰanumakwst kʰapa Shís'gi Noow skukum-haws: ɬinkit-ulman ɬaska wawa: kʰapa ukuk ɬun iləp-san, ɬush ɬinkit ɬaska fayt. alta ɬaska ɬatwa ɬax̣ani ukuk skukum-haws.