Wp/chn/shiit’kʰa
| shiitʼkʰa Sitka (bastən-wawa) Sheetʼká (ɬinkit-ləlang) Ситка (ləshən-wawa) | |
 | |
 | |
| chaku-tənas: | 1799 kʰul |
| iliʔi: | bastən-iliʔi |
| tənəs-iliʔi: | alaska-iliʔi |
| qʰənchi-hayu tilixam: | 8,458 (2020 kʰul) |
| qʰənchi-hayu iliʔi: | 4,815 mi² (12,471 km²) |
| ZIP-kʼwinin-ikta: | 99835 |
| qʰa shiitʼká miɬayt kʰapa alaska-iliʔi |
  shiitʼká
|
shiit’ka (ɬinkit-tilixam: Sheetʼká) ixt tʰawn kʰapa alaska-iliʔi, pi wik-saya kʰichx̣aan shiit’ka. shiit’ka t’uʔan iləp-hayu iliʔi kʰapa kʰanawi x̣luyma tʰawn kʰapa bastən-iliʔi. kʰapa baranof-aylən (Sheet'ka X'aat'i) shiit’ka.
kʰapa shiit’ka, ɬaska iskam hayu saltsəqw-məkʰmək, wəx̣t hayu tilixam ɬaska munk hihi-shit pus ɬatwa shiit’ka.
nim
[edit | edit source]kʰapa ɬinkit-ləlang, ɬaska wawa Shee Atʼiká ("shii atʼikʰá") pus "tilixam wik-saya saltsəqw kʰapa Sheet'ka X'aat'i." alta ukuk wawa ikta chaku kʰəpit "Sheetʼká".
kʰapa anqati-tʰaym
[edit | edit source].jpeg)
anqati (pi alta!) ɬinkit-tilixam ɬaska miɬayt kʰapa qʰa alta shiit’ka miɬayt. ləshən-tilixam ɬaska chaku kʰapa shiit'ka kʰapa 1799 kʰul. ɬaska munk ixt skukum-haws: "maykəl-tayi-lasash yaka skukum-haws" (форт Архангела Михаила). yawa ləshən ɬaska munk-p’u tʰumach skaləmən pi ina. kʰapa 1802, ɬinkit ɬaska munk-kakshət ukuk chxi skukum-haws. kʰapa 1804, ləshən-tilixam ɬaska k’ilapay pi ɬaska chaku saliks kʰapa ɬinkit.
shiit’ka chaku ləshən-alaska tayi-tʰawn kʰapa 1808 kʰul. kʰapa 1867 kʰul, ləshən ɬaska palach-kʰapa-bastən alaska-iliʔi, pi djuno chaku alaska-iliʔi tayi-tʰawn kʰapa 1906 kʰul.
kusax̣
[edit | edit source]dret hayu snas chaku kʰapa shiit’ka (84"/215cm tsəqw-snas pi 32"/8cm snu.) iləp-hayu snas chaku kʰapa 9-mun. qʰənchi kʰul-iliʔi chaku, tsəqw chaku q’əl kʰapa hayu san kʰapa shiit’ka. wik dret-wam wam-iliʔi kʰapa shiit’ka, pi wik-hayu-tʰaym manaqi 70°F/21°C qʰənchi-wam shiit’ka.