Wp/chn/Ki7lawna7

From Wikimedia Incubator
< Wp‎ | chn
Wp > chn > Ki7lawna7
kiʔlaunaʔ

Kiʔlaunaʔ ixt thaun khapa małx̣wəli Kinchuch-kolombi. Khapa n'səl'xtsin'-ləlang maika wawa ukuk thaun yaka nim pus shayim. Khapa 2020 snu, 142,146 tilixam łaska miłait khapa Kiʔlaunaʔ, pi 80,602 x̣luima tilixam łaska miłait wik saya Kiʔlaunaʔ. Kakwa Bankuba, altaukuk thaun yaka tayi łaska tiki iskam iləp-hayu tilixam khapa iləp-tenas iliʔi, pi maika tł'ap hayu yułqat haus khapa Kiʔlaunaʔ.

uk iliʔi[edit | edit source]

Pus khapa Kiʔlaunaʔ maika, maika łatwa 103 mi/166 km khapa kʰul-iliʔi-iwa BC-97 uix̣ət pus łatwa Kamlups. Wik saya kɬúsx̌nítkw (Okanagan Lake khapa bastən-wawa) Kiʔlaunaʔ. hayu hayas phaya chako wik saya ukuk thaun.

kusax̣[edit | edit source]

Khapa khul-iliʔi, hayu smuk chako khapa Kiʔlaunaʔ kusax̣. hayu snu chako khapa khul-iliʔi yawa, pi tenas snu chako khapa khanawi thaym yawa, pi khapa hayu sən khapa khul-iliʔi, kwanisəm kikwəli 32°F/0°C Kiʔlaunaʔ. Tenas-wam yaka wam-iliʔi.

khapa anqati-thaym[edit | edit source]

9,000 snu anqati, "Syilx" tilixam łaska chako khapa wik-saya qha alta Kiʔlaunaʔ alta miłait. Khapa khul 1859, Papa Pandosy, ixt phasayuks-man khanumakwst phasayuks-phliye, yaka mamuk hayu haus khapa l'Anse au Sable "pulali-loʔloʔ-chəqw-iliʔi". Khimt'a ukuk, hayu tilixam łaska chako pus miłait khapa Kiʔlaunaʔ, pi hayu tipsu alta chako-hayas yawa.

Kiʔlaunaʔ-thaun chako-dilet khapa 1905 snu.