Wp/chn/James Douglas
anqati ixt skin-makuk-man Sir James Douglas (djeyms dəgləs), KCB. tilixam ɬaska kəmtəks Douglas kakwa "kʰinchuch-kʰolombi-iliʔi papa."
kʰapa 1858 kʰul, Queen Victoria yaka pik James Douglas pus chaku iləp "gabəna" kʰapa kʰinchuch-kolombi-iliʔi; anqati, qʰənchi hilu ixt iləp-minista (əbə premier) kʰinchuch-kʰolombi-iliʔi, dret kʰinchuch-iliʔi tayi mayka pus gabəna mayka.
Douglas yaka ikʰanəm
[edit | edit source]Douglas yaka chaku-tənas kʰapa gayana-iliʔi kʰapa 8-mun-15-san, kʰapa 1803 kʰul. ixt skach-man (John Douglas) yaka papa. sitkum-ɬiʔil pi sitkum-kʰinchuch Martha Ann (James Douglas yaka mama.) qʰənchi Douglas yaka tʼuʔan 16 kʰul, yaka chaku kʰanumakwst North-West Company (NWC, əbə "qʰa-san-ɬatwa-pi-san-chaku-kʰompani"), pi yaka munk kʰapa wilyəm-skukum-haws, kʰapa antʰaliyu-iliʔi.
kʰapa 1827 kʰul, Douglas yaka munk kʰunuli-skukum-haws kʰapa itsx̣ət-leyk. yaka ɬatwa kʰapa bankuba-skukum-haws, qʰa taɬləm-pi-kʼwayts san yaka munk. Douglas yaka munk mitʰulya-skukum-haws kʰapa bankuba-aylən kʰapa 1849 kʰul. kʰapa ukuk aylən yaka chaku gabəna. Douglas yaka malyi Amelia Connolly, ixt sitkum-ayrish pi sitkum-neehina ɬuchman. qʰənchi tilixam ɬaska tʼɬap hayu gul wik saya fraser-stalu, dret wik yaka tiki pus kʰinchuch-kolombi-iliʔi chaku kʰapa bastən-iliʔi. Douglas yaka munk dret skukum kikwəli kʰinchuch-la bisi-iliʔi.
Douglas yaka chaku-miməlust kʰapa 1877-kʰul, kʰapa 8-mun, kʰapa 2-san.