Wp/chn/Gwidvq
gwidəq (Panopea generosa) ixt dret hayash smit’aqs, pi tumach-hayash-pus-ɬatwa-kʰəpit-kʰapa-smit’aqs-haws gwidəq. mayka t’ɬap gwidəq wik saya pʰəsipʰik-saltsəqw kʰapa alaska-iliʔi, yukʰan-iliʔi, kʰinchuch-kolombi-iliʔi, washintan-iliʔi, olekin-iliʔi, kʰaliponiya-iliʔi pi baxa-kʰaliponiya-iliʔi. kakwa kʰanawi lakachi pi smit’aqs, ixt gwidəq munk-yuɬqat pi munk-yuɬqat "liku". dret yuɬqat ixt gwidəq-liku: ixt-ixt gwidəq-liku chaku-yuɬqat kakwa 3 ft. / 1 m. dxwləshutsid-wawa palach ukuk wawa-ikta, "gwidəq", kʰapa nsayka.
qʰata gwidəq miɬayt[edit | edit source]
wik saya 1.5 lb/0.7 kg ixt katsaq-hayash gwidəq. iləp-hayash gwidəq t’uʔan 8.16 lb/3.70 kg.[1] hayu gwidəq iskam manaqi 140 kʰul bət wik chaku-miməlust. gwidəq munk liku pus munk ixt ɬx̣wap kʰapa iliʔi qʰa kwansəm ukuk ikta miɬayt. wəx̣t gwidəq munk liku pus iskam tsəqw, alta gwidəq məkʰmək ɬush ikta kʰapa ukuk tsəqw pi mash kʰanawi kʰəltəs iktas (ukuk kʰəltəs iktas chaku ɬax̣ani ixt ɬx̣wap kʰapa gwidəq-liku.) ixt ɬuchman-gwidəq munk 5,000,000,000 pʰaʔ kʰapa 100 kʰul.
skaləmən, qwinəm-lima pi tilixam ɬaska məkʰmək gwidəq. kʰapa chayni-iliʔi ɬaska məkʰmək hayu gwidəq; qʰəx̣chi hilu gwidəq chayni-saltsəqw.
alta hayu tilixam ɬaska munk q’əlax̣ kʰapa saltsəqw pus munk-hayash gwidəq.
qʰa nsayka iskam ukuk kəmtəks[edit | edit source]