Wp/cak/Xsaqär

Saqarisanïk

Q'ejelonïk richin nimaq'a' pa kaqchikel ch'ab'al

Pa kaxlan tzij chuqa' ch'aqa' chik taq ch'ab'äl k'o jun q'ejelonïk richin nimaq'a'; pa ri Kaqchikel Ch'ab'äl chuqa' k'o jun tzij richin ri q'ejelonïk nimaq'a', ja ri' ri tzij: xsaqär. Ri ruq'ajarïk ri tzij ri' man junam ta rik'in ruq'ajarik k'o pa ri ch'aqa' chik taq ch'ab'äl.

Toq nqab'ij "xsaqär" pa Maya' Kaqchikel Ch'ab'äl junam rik'in nab'ij: xoqa' yan el ri q'ij, xsaqarisan yan pe, k'o chik ri saqil; ruma ri' janila rejqalem re tzij re', ruma rik'in ri' nqak'awomaj ruma ri k'aslem pa jun chik k'ak'a' q'ij.

Toq k'o chi nqaq'asaj re tzij re' pa kaxlan man ütz ta nub'än, ruma man junam ta ri na'oj, jun wi chik ri na'oj nuya' chi tzij. Ruma ri' k'atzinel chi nqatzijoj chi ke ri winaqi' ri ruq'ajarik ri na'oj, man xa xe ta ri rutzalq'omaxik.