Wp/cak/TIKIRIB’ÄL
TIKIRIB’ÄL
In kosnäq yib’yin chupam re kajulew re’Ninkanoj wachb’il
Ninkanoj jun kotz’i’j chi kikojöl k’ix
Ninkanoj utziläj ulew pa chaqi’j ulew
Xwïl jun alaxb’äl ya’
Akuchi yek’ajlun pe rutz’uj ri jeb’ël ya’
Richin ke ri’ xitikïr xinch’uch’ujrisaj ri chaqi’j nuchi’
Rik’in jun atz’ub’ xinjalwachij wi’
Chupam ri rupalem ri k’aslem
stape ri nutzij man richin ta jun Arjona, Neruda, ninb’än chawe yatze’en.
Janila ninrayb’ej ta yinok tz’ikïn
Richin yixik’an awik’in
Richin ninb’ij chawe pa nub’ix
Ri wajowab’äl chawij
Chi awuma ninya’ ta nuk’u’x
Nink’waj ri q’ojo’m k’a chi kaj
Richin ninqasaj pe ri tok aq’a’ chawe.
Po… man rïn ta
Xa chöj jun achik’anel
Ri nukanoj nok rajaw richin ri ak’u’x
Man kinajech’uj kan achi’el ta jun ala’s ri nikiritäj
Janila yatinwajo’ rik’in ronojel nuk’u’x.
