Wp/cak/Sik’iwuj “Kaji Imox”

Ri qach’alal Guillermo Paz Cárcamo, xutz’ib’aj ri sik’iwuj rub’inian Kaji Imox, ri nich’o’n chirij ri ruk’aslemal ri qamama’, ri ruk’isib’äl k’amol rub’ey ri Kaqchikel Amaq rub’inian Kaji Imox. Chupam ri sik’iwuj nasik’ij ronojel ri k’ayewal xuk’owsaj ri qatinamit kaqchikel toq xe’oqa ri kaxlani’ taq winaqi’, ronojel ri kamïk ri xb’anatäj, ronojel ri q’olonïk ri xb’an chike ri qawinäq, chuqa nich’o’n chirij ri toq xkäm ri junchik k’amol b’ey ri  k’owi chi Iximche’, jak’a toq cha’ox ri k’ak’a k’amol b’ey, ja ri Kaji’ Imox xkanej kan pa ruwi ri qatinamit.

Ri sik’iwuj Kaji’ Imox chuqa nich’on chirij ri rub’anob’al ri a Pedro de Alvarado toq xoqa’, toq xoruk’ulu’ ri’ rik’in ri Kaji’ Imox, nich’on chirij ri wolajuj juna’ toq ri qatinamit xanimäj chuqa xutz’uk ri k’ayewal, ri ch’ayonïk kik’in ri kaxlani’ taq winaqi’.

Chuqa nutzijoj chi rij ri toq xchäpatej ri nimaläj ajpop Kaji' Imox koma ri kaxlani'. Po rija' xuya' ri' xa ruma toq xutz'et ri etzelal nib'än chi ke ri ruwinäq. Xa ruma' ri'.

Re jun sik’iwuj re’ k’o chi nisik’ix pa konojel taq tijob’äl richin ri Kaqchikel Amaq, ruma chiri’ k’owi ri ruxe’el ri qatinamit Kaqchikel.