Wp/cak/Ri tinamït chi Xot
Chi Xot, Chi Q’al (Oxlajuj No’j) pa ruwi’ ri ruchuq’a’ ri tinamït ruch’umilal No’j, toq xe’oqa’ ri winaqi’ aj juk’an chik ya’ kik’amom pe ri San Juan Bautista po ja ri’ rub’i’ xkiya’ kan ri tinamït wakami; jun rutinamit ruq’a’ B’oko’, richin ri Iximulew. Chupam ri censo ri winaqi’ pa juna’ kajq’o lajk’al e k’o 55.508 winaqi’
Pa kajq’o waqxaqlajk’al waqlajuj juna’ xik’o jun kab’raqän po xekäm k’ïy winaqi’ toq xik’o ri ri’, ri Iximulew xok pa k’ayewal ruma’ ri kamïk xb’anatäj koma champomal, ri ajlab’äl ri xkikamisaj k’ïy taq winaqi’.
Ri winaqi’ nïm kiq’ij wawe’ chi Xot ri Kaji’ Imox chuqa’ ri B’eleje’ K’at ri’ je’ xkiya’ kik’aslem pa ruwi’ ri tinamït chi Xot
Juyu’ b’i’aj
Ri tinamït rub’ini’an pe chi Q’al (Memorial de Sololá) k’a ri chi Xot, ri e ruwinaq e maya’ kaqchikela’. Ri tlaxcaltecas chuqa’ ri cholulecas ri epetenäq kik’in ri q’anchi’ xkiya’ rub’i’ Comalapa pa ch’ab’äl nahuatl xkib’ij chi Xot chire’.
Retamab’alil ruwachulew
Pa taq ruchi’ ri tinamït chi Xot e k’o taq juyu’ kisurin ki chi rij, jampe la’ kan k’ïy che’ e k’o pa taq juyu’ po wakami’ e jub’a’ ok che’ e k’o: ri taq ulew eli’on ri winaqi’ nikitïk jalajoj taq tiko’n po chuqa’ nikitïk ixïm.
Ri chi Xot ja ri’ ri, ruwi’ ri tinamït ri ruk’u’x, po e k’o ri taq ruq’a’ tinamït: Patzaj, Paquixic (pa kixik’), Simajuleu(simil ulew), Cojoljuyú (kojol juyu’), Panabajal (pa ab’äj jäl), Xiquín Sanai(xikin sana’i’), Xenimaquín (xenimak’in) chuqa taq ko’ol taq ruq’a’ tinamït: San José Las Minas, Panimacorral (pa nima’ coral), Pachitur(pa ch’itur), Mixcolabaj , Pavit, Pichiquiej (pa chi kej), Pa xa’n, Pa yá, Chirij juyu’, Agua Caliente (pa meq’en ya’), Palinamacac pa nima’ q’aq’, Quisayá (k’ïx ya), Palimá, Chubixac, Parraxi quín (pa räx k’in), Xenimaquínn (xe nima’ k’in), Panucuy, Sarimá, Xe nima’ juyu’, Pa räx aj, Pa mumüs, Pa tzyäq, Pa pumay (Guatepymes, s.f.).
Chupam ri tinamït e k’o waqxaqi’ juyu’ taq’aj, juk’al kaji’ raqän taq ya’, julajuj ko’öl taq raqän ya’, jun ruq’a’ raqän ya’, julajuj raqän ya’ pa q’ojb’äl, ri raqän pa ruwi’ ri ulew: juchuy wolajk’al wolajuj.
MEQ’TEWUL
Ri tinamït Chi Xot ru meq’tewul lilöj.
Kuchi’ k’o ri tinamït Chi Xot
Ri tinamït chi Xot kisurin ki’ ri jalajöj taq rutinamit ri B’ok’o’.
Releb’al kaq’ïq’: Pwaqil
Noroeste: Santa Apolonia
Rukajb’al q’ij: Iximche’
Suroeste: B’alam ya’
Ruqajib’äl kaq’ïq’:
Releb’äl q’ij: pa nïm Ab’äj
Maya’ q’atb’äl tzij
Ri chi Xot k’o ruq’atb’äl tzij kaxlan chuqa’ ri maya’ q’atb’äl tzij. Ri maya’ q’atb’äl tzij yesamäj pa ruwi’ ri winaqi’ chi Xot ruma’ k’ïy taq winaqi’ man ütz ta nikina’ yeb’esujun kik’in ri kaxlan taq q’atb’äl ruma’ chi ri’ k’o b’ey man yech’o’ ta pa kaqchikel ch’ab’äl po ke ri’ man ütz nikina’ nikisol kik’ayewal.