Wp/cak/Ri ixim

From Wikimedia Incubator
< Wp‎ | cakWp > cak > Ri ixim

Ri Ixim Pa tinamït Chixot, yalan jeb’ël ri tik’on nib’än, kan ojer kan ri achi’a’, ri qatit’ qamama’ janila’ ri ixim nikitik. E k’o tat ri nikitik ri säq ixim, e k’o ri qän ixim, chuqa’ ri raxwach ixim. Oxi’ rub’onil ri loq’oläj ixim nitik. Juna’ chi juna’ toq yajach’on, kan chupam ri q’ij ri nikicha’ kan ri jäl xtok ijatz’. Ri jujun jäl k’o chi kan choj ri rucholajem ri rixim, ütz rub’anikïl nikiyik kan, jeb’ël ruchajinïk nikib’än chire’. Richin manäq nichikopir ta ri ijatz’. Ruma ri q’ij richin ri tik’on xaxe nikib’ëq ri jäl, ri nan chuqa’ ri tat’ nikitoki’ toq noqa’ ri q’ij richin ri tiko’n, nikicha’ ri ijatz’ richin nutik ri tat’. Po taq ni’awex janila’ ruq’ij nikiya’. Wa we’ Chixot pa ri’ nab’ey taq job’ yeb’e tik’on ri achi’a. Yalan ruq’ij nikiy’a ri job’ ruma ja ri’ yeto’on ri ixim richi yeb’os pe, wi manäq job’ ta, majun xke’alex ta, majun xkeb’os ta ri ijatz’. Wa we’ Chixot xaxe’ oxi’ rub’onil ri ixim nitik, po chukojol ri säq jäl ruyonil nalex pe ri käq ixim, toq ri achi’a yejach’o, nikil ri k’äq ixim, e k’o re nikil pa ri q’änajäl. Ri käq ixim ni naläx pe pa säq ixim jari’ yalan b’uyul chuqa’ chani nichaq’aj. Ja k’a ri’ nalex pa qän ixim yalan b’a kow tichaq’aj. Ri achi’a aj tinamit Chixot xaxe jun b’ey nik’itïk ri ixim pa jun juna’, ruma yalan nïm ruk’u’x. Po chuqa’ yalan b’uyul ye’el ri way, jeb’ël titij ri way ajchixot. E k’o jalajöj rub’äch ri ixim, po majun achike ta, xtujunumaj rikin ri ajchixot ixim. Toq k’a äj ütz chuqa’ nitij , taq k’a äj na’ ri winaqi’ nikib’än q’or, jok’, sub’an jok’, kaslanway chire’, jalajöj rub’ankil nikitij ri winaqi’. Ruma k’a ri’, rikin ronojel kik’u’x nikitik ri loq’oläj ixim ri achi’a wawe pa tinamit Chixot. Konojel ri tat ri nan yalan ruqi’j nikiya’ ri loq’oläj ixim, ruma jari’ ri qak’aslem yacha’.