Wp/cak/Ri cholonel

Ri cholonel

Re winaqi’ re’ enimawinaqi’, nikiq’asaj taq na’oj, ri ketamab’äl ri kati’t kimama’, rije’ kisamaj ja ri’ chi nikikol ri kib’anob’al chupam ri tinamït, rije’ ech’o’onel,chi nikiq’asaj taq tzij chi ke ri taq winaqi’ richin man nib’anatäj ta jun k’ayewal, ri taq cholonel chi Xot, nikitzijoj taq lema’, moch’öch’ chi rij ri xb’anatäj yan chupam kik’aslem chuqa chupam rije’ kitz’eton chupam ri k’aslem, ri nikitzijoj rije’ nik’atzin richin nikiq’asaj ketamab’äl chi ke ri winaqi’, epetenäq chi kij rije’, richin ke ri’ nikil jun ch’ajch’öj k’aslemal, chuqa richin man nikisäch ta ri kib’anob’al.

Rub'eyal nuchol rutzij jun cholonel

1. NAB’EY nuk’utuj q’ij richin nitzijon.
2. RUKA’N nik’awomaj chi re ri Ajaw.
3. ROX Nik’awoman chi ke ri winaqi’, ri achike xuk’utuj utzil chi re.
4. RUKAJ nich’o’n pa ruwi’ ri winaqi’, pa ruwi’ ri taqikil xk’utux chi re.
5. RO’ ri cholonel chuqa nikiya’ taq pixab’ chi ke ri k’ulaj.
6. RUWAQ toq ri te’ej tata’aj man nikajo’ ta yech’o’n, nikib’ij chi ke ri ati’t mama’aj.
7. RUWUQ toq e k’o ka’i’ oxi’ taq cholonel, rije’ yech’o’n chi kiwäch, richin ke ri’ nikichol kina’oj chi kiwäch ri winaqi’ke ri’ nikiya’ chi kiwäch achike na’oj xtapon

Ruk'isib'äl rutzijol

Rije’ nikib’än kisamaj toq nik’utux jun ixtän, qasanya’, jun nimaq’ij, pa k’ulub’ik nicch’o’n pa ruwi’ ri winäq xoyox. Nikiya’ pixa’, re winaqi’ re’ k’o k’ïy kina’oj, man xab’i achike ta winäq, k’atzinel chi yek’oje’, ka’i’, oxi’ taq cholonel ruma nikiya’ chi kiwäch achoke kitaqkil, nuchol ri rutzij ri ach’alal ri’il.

Tata sol