Wp/cak/Ri ak’wal chuqa ri saqil
Chij jun ko’öl chuqa’ näj tinamït xk’oje’ jun ak’wal rub’i’ kang. Rute’ rutata’ rije’ tikonela’ janila meb’a’ ruma ri q’ij q’ij xekanoj jun rub’eyal richin rije’ xeq’ax ri q’ij chuqa’ man ütz ta xkik’waj jun nïm k'iyirisanem pwaqil chupam kik’aslem. Xa xe k’o jub’a’ q’utu’n chuqa’ jun ruwi’ wochoch akuchi’ xowär.
Ri nan, ri tat, rije’ nkajo’ ke ri’ kang nb’e pa tijonïk. Rije’ manäq nrajo’ ke ri’ ak’wal tuk’waj jun meb’a’ k’aslem chuqa’ nkajo’ jun ütz q’ijul apo chi la pa nïm tinamït.
Kang jun ütz ak’wal, na’onel chuqa’ janila ütz ninna’ nb’e pa tijob’äl xa xe q’ij q’ij xuk’ul jun k’ayewal. Ronojel q’ij ri kang nisamäj pa juyu rik’in rute’ rutata’ chuqa’ toq rija’ nuwajo nub’än rusamaj richin rutijonïk, chaq’a’ chik. Ri ri’ jun nïm k’ayewal ruma chi rochoch kan majun k’o tz’ukül saqil.
Ri kang janila k’ayew ninna’, rija’ nuwajo nsamäj chuqa’ rusik’isik ruwuj xa xe majun tz’ukül saqil ta chi rochoch. Rutojtob’enïk ruchi’ yan.
Jun juna’ xoqa ri pajäb’ chuqa’ jun chaq’a’ ri Kang xtz’eton pa kajtz’ïk ri jeb’ël qate’ ruwach’ulew piso’n saqb’äch. K’o wi ri ak’al pa kajtz’ïk toq xerutz’ët ru b’onil ri saqb’äch jun jeb’ël säq chuqa’ nuya’ jun saqil.
Ri Kang jun ak’wal na’onel, xuna’ojij, xokisaj jun rub'ukutzyäq chuqa ruxajab’ k’a ri xel pe chi rochoch xutzalej rusamaj richin rutijonïk.
Ri saqb’äch tzatzarisaxel xa xe xetz’uye’, xujäq jun ruwuj chuqa’ matyox chi ri’ saqil ri saqb’äch xtikïr xusik’ij rusamaj chuqa’ k’ïy xketaman. Ruma ri tew ruq’a majun niya’ salj ri jun ruxaq wuj xa xe rija’ mani xuya’ ruq’ij.
Ri pajäb’ xq’ax chuqa’ jun q’ij xoqa ri jaqajäb’. Ri ma Kang xutz’et ri’ janila xb’ison ruma jun rub’eyal richin nub’än rusamaj richin rutijonïk.
Ri Kang q'eqawa' K’a ri xkotz’e’ ruma janila xuna’ojij majun xwär. Kosinäq ruma k’ïy solaj xuya’ pa ch’at ruma ri’ xpa’e’ chuqa’ xel chi rochoch xuya’ jun b’eyajem pa k’ichelaj akuchi’ xkanäj k’ïy ramaj ronojel aq’a’.
Toq ri ak’wal xutz’et atux ri jaqajäb’ xkik’waj ri saqb’äch, ja, xa xe jaloj rik’in k’ïy chupüy q'aq' ri chikopi’ ri nuya’ jun nïm saqil richin rojojel ri aq’a’ richin rox ik’.
Xek’oje jun ramaj k’a ri chi rij ri ri’ toq xpe jun runa’oj. Xok apo chi rochoch, xukanoj ruwuj chuqa’ xtzolin na pe pa k’ichelaj. Xtz’uye’ xulan pa kuta'm jun nïm che’ chuqa’ xuya’ q’ij ri taq chupüy q’aq’ chi ruchi’ rija’.
¡ütz¡ ¡Ri saqil janila ütz richin rïn nachäp rusik'ixik nuwuj! ¡Ri Kang janila kikotem xuna’!Rija’ xretamaj k’ïj na’oj chuqa xapom näj.
Re jun retal k’aslem re’ xoruya’ jun nï na’oj. Toq röj k’o k’ayewal mani ütz ta nak’oje chi ri’. Rat nsamäj q’ij q’ij richin ke ri’ jun q’ij napom näj.