Wp/cak/Ri Qate’ ruwach’ulew k’äs

Ri Qate’ ruwach’ulew k’äs

Ri ojer ri qati’t qamama’ janila’ kajowab’äl rik’in ri qate’ ruwach’ulew, toq yeb’e pa juyu’ toq ye’apon pa kawän, yexuke’ nkimatyoxij chi re ri qatata’ q’ij, ri kaj, ri kaq’ïq’, ke ri’ chuqa’ ri rajawal juyu’ nkitz’ub’aj ri ruwach’ulew, k’a ri’ yesamäj, to ke ri’ majun k’ayewal nkil pa kisamaj po ke ri’ chuqa’ pa kib’ey.

Toq rije’ nkiqasaj jun che’, nkik’utuj q’ij chi re ri rajawal juyu’ to ke ri’ chuqa’ man k’ayewal nkil chupam ri kisamaj, wi majun nkib’än ta ri ruwäch k’ayew ruma k’o k’ayewal nkil pa ki k’aslem.

Po ke ri’ toq nkiqasaj ruwäch jun che’ yematyoxin ruma nuya’ ri kimunil, ke ri’ chuqa’ yematyoxin ruk’ojlem ri qate’ ruwach’ulew, ke ri’ ronojel ri k’o chuwäch ri [./Https://es.wikipedia.org/wiki/Madre qate’] ruwach’ulew ri qati’t’ qamama’ nkib’ij k’o ruk’aslem, k’o chi nketamaj ke ri’ chuqa’ yojmatyoxin.

Ri jalajöj juyu’ k’o rajawal, achike ta rub’ankil ri Ajawal ri juyu’ ri qati’t qamama’ nkib’ij chi k’o jalajöj taq chikopi’ k’o re’ ri Tz’i’, Kumatz, Sian, B’alam, aj xik’, Masat, umül, chuqa’ k’o b’ey re’, nuk’ut ri’ jun winäq, ak’wal, n’ey, achi’ po ixöq, toq majun awetaman ta naxib’ij awi’, nuk’ut pe ri toq k’o jun k’ayewal.

Wakami janila’ ntijon poqon ri qate’ ruwach’ulew, ruma xqamestaj yojmatyoxin, majun chik nqaya’ ruk’ojlem, majun chik yojtzijon, man yojb’ixan ta pa ruwi’ ruk’aslemal, nb’ison ruma eqal, eqal nmestex ruk’ojlem.

Janila’ k’ayewal pa ruwi’, pa jalajöj tinamït, ruma ri jalajöj molaj ri nkikanoj q’anapwäq chupam ri qate’ ulew, ri winaqi’ ri k’o ki pwäq janila’ k’ayewal nkib’än pa ruwi’ ri qate’ ruwach’ulew.

Man e k’ïy ta ri yematyoxin wakami k’o chi röj nqaya’ nab’ey xak richin yojkitz’ët ri ak’wala’ ke ri’ chuqa’ rije’ nketamaj ri nkiya’ ruk’ojlem ri qate’ ruwach’ulew.

Ri Qate’ ruwach’ulew k’äs