Wp/cak/Ri B’anoj
Ri B'anoj
[edit | edit source]Ri B'anel Molaj B'anoj nib'ix chi ke konojel ri niqab'än richin yojsilon, achi'el yojb'iyin, yojtze'en, yojatin...; ri yeqak'ulwachij o yekik'ulwachij ri winaqi' achi'el yojsokotäj, yojyawäj, yojb'eyomär, yojk'ïx,... chuqa' ri yeqab'anala' akuchi' k'o ri niqasamajib'ej achi'e toq yojna'ojin, yojb'ixan, yojchapon... Ri b'anoj pa jun b'ab' nupo' ri' ruk'u'x ri q'ajarib'äl, ri niq'alajisan achike' nusamajij, nuk'ulwachij o nub'än ri b'anel.
Runuk'ulem ri b'anoj
[edit | edit source]Jun b'anoj k'ïy taq peraj yech'akulan richin, chi kikojol ri nima'q taq runuk'ulem jun b'anoj e k'o ri ruwäch tzij, ruxe'el chuqa' ri rij tzij.
Ruwäch tzij pa jun b'anoj
[edit | edit source]Ri ruwäch taq tzij e k'o chuqa' yewachin pa jun b'anoj ja ri q'ijul/b'eyalil chuqa' ri winaqilal.
Q'ijul/b'eyalil
[edit | edit source]Ri q'ijul nupäj rij jampe' o achike ramaj toq xb'anatäj o xk'ulwachitäq ri b'anoj, ja k'a ri b'eyalil nuq'alajisaj chi qawa ri rub'eyal xb'anatäj ri b'anoj. Ruma ri' toq yojtikïr niq'alajisaj we ri b'anoj xk'ulwachitäj iwir, wakami, chwa'q o ri rub'eyal nib'anatäj we tajin nib'an, naqil o jun taqoj/peyoj, ke re' niwachin chuqa' niqaya' retal ri q'ijul/b'eyalil pa jun b'anoj:
| iwir | wakami/tajin | chwa'q | taqoj/peyoj |
|---|---|---|---|
| x- | n-, y- | xt-, xk- | t-, t-...a', t-...o, t-...u |