Wp/cak/Rajawal juyu'

From Wikimedia Incubator
< Wp‎ | cakWp > cak > Rajawal juyu'

RAJAWAL JUYU’


Chupan ri mayab’ na’oj, ronojel k’o kik’aslem, konojel yewa’ konojel ek’äs. Chuqa ri juyu’, ri raqän ya’ yewa’ ek’es, k’o kirajawal.

K’o juley winaqi’ nikib’ij chi man ronojel ta ri juyu’ ek’äs. Xa xe rïn xinwak’axaj nub’ij nuxib’al chi konojel ri juyu’ k’o kirajawal chi ek’äs.

Wawe' Chixot niqil jalajoj juyu' uchi ri winaqi' nikitzijoj chi ek'o ki rajawal.
Ri juyu' ek'äs yewa'.


Nuxib’al nutzijoj chi ri loq’oläj juyu’ Xekupilaj k’o rajawal. Pa jun nimaq’a rija’, xb’e xerukanoj oköx, toq tzum pa xulan pa jun xti b’ey kan nojnäq chi re oköx pumpum,  toq xqa pe xutzu’ jun kan nïm kumätz. Rija’ xuxub’ij qa ri’ junanin xetzolin pe, toq nanin xrak’xaj chi ri kumätz  kan petenäq chirij, kan man jun xuna ta’ xoqa chunaqaj ri tinamït k’a ri manäq xukoch’ ta xutzun kan chi rij.


K’o jun q’ij chik, xb’e Xekupilaj xerkanoj oköx, k’a ri’ manäq achike ta xrïl ta, rija’ xuna’ chi xtzolin pe, chi nib’iyin  nib’iyin, xuna’ chi k’iy xb’iyin yan, xa xe manäq noqata ukuchi’ k’o ri b’ey richin nitzolin pa tinamït. Toq nib’iyin xrïl jun achi pa b’ey, xuk’utuj  chi re ri achi, chi akuchi’ k’o ri b’ey richin napon pa Chixot, ri achi ri’ xub’ij, chi ri b’ey rukwan rija’ richin yab’e Pwaqil, ri achi xub’ij chi re chi wakami’ choj katzolin richin ke ri’ yatapon pa Chixot.


Jun achi’ xeb’esamäj pa juyu’ ke la’ Sarima’, rija’ ruk’wan ri rume’al. Ri achi’ nisamej toq xutzu ri ak’wal netzan pa jun ch’uti ramaj xutzu’ junb’ey chik ri ak’wal po man k’ota chik. Ri achi’ xuxij ri’, xeb’erkanuj ri akw’al, nusik’ij rub’i po rija’ man ni nich’onta. Xaxe’ xik’o jun oxi’ wo’o ramaj toq xuna’ ri ak’wal k’oyan rik’in. Ri achi’ xuk’utuj che ri ak’wal ¿k’a uchi’ xab’e? ri ak’wal xub’ij: choj wawe’ yinetz’an. Ri achi’ xub’ij pa ranima’ chi ja ri rajawal ri Sarima’ xerewaj ri ak’wal.


Ri Kupilaj yalan naqaj k’o che ri qatinamït. K’iy winaqi’ yeb’e pa Kupijal chin nikib’en jun xululem, po k’o juley chik yeb’e pa Kupilaj choj chin yeb’iyin, yeb’etzun, k’o juley man k’i ta kik’ux yeb’e pa juyu’. K’iy winaqi’ nikitzijoj chi ri Kupilaj yeruwebaj k’iy winäq. K’iy winaqi’ jari’ kisachonki’ pa kupilaj nikib’ij chi manäq achiketa  nikina’ chi janta pe ek’o kik’in ri juley chik. Po riwinaqi’ ek’o chikixikin ja ri yesach yesik’in, nikikanuj jari sach, k’ïy ramaj nik’o xaxe’ taq nikib’en jun kixukulen, nikitzij jun ka’i ki koch’ij, toq yech’on che ri rajawal juyu’ xaxe’ chi ri’ toq nikina’ ri kachil sachinäq  k’o chik xikixikin.