Wp/cak/RUQ'IJUL K'ASLEM
Ronojel ri q’ayïs chuqa’ chikopi’ yeq’a’x pa ruq’ijul k’aslem. Achi’el röj toq xojaläx oj ko’öl po ri q’ij xik’o chuqa’ röj xojk’iy. Toq niqak’iy ri qach’akul nik’o k’ïy jaloj achi’el ri qab’anikil chuqa’ ri qana’oj.
Wi k’o jun achiköp rik’in jub’a’ xatz’ët yan ri ruq’ijul k’aslem. Achi’el jun tz’i’, nab’ey yalan ti ko’öl, k’o chi nuchajij rute’ chuqa’ nuya’ ruya’al tz’umaj.
Toq nik’iy yalan yekikot, ye’etz’an chuqa’ nik’o oxi’ juna’ ya jun nimajun tz’i’. Ka ri’ ütz nukanoj ixjayil richin nik’oje’ taq alaj tz’i’. toq ri tz’i’ waqi’-lajuj rujuna’ yetok pa jun weqaj akuchi’ yalan rukosik chuqa’ yekäm. Wawe’ nk’is po chuqa’ ntikïr ri ruq’ijul k’aslem.
Ri ruq’ijul k’aslem jun q’ayïs
Nab’ey ri q’ayïs jun ija’tz k’a ri’ yek’iy, nikiya’ kotz’i’j chuqa’ ruwäch.
Ri taq q’ayïs nab’ey ija’tz chuqa’ toq nkiy ri ija’tz nb’os. Toq ri q’ayïs nïm chik ne’elpe’ kotz’ij’ k’a ri re taq kotz’i’j k’o b’ey yesamajij ri winäq kab’, k’o b’ey ri kaq’ïq’. Ri kotz’i’j yek’iy k’o b’ey yek’iy pa jun ruwäch che’ po chuqa’ achi’el ija’tz k’a ri’ nik’iy jun q’ayïs ja la’ ri ruq’ijul k’aslem.
Ri ruq’ijul k’aslem chi rij jun chiköp
k’o ejujun ye’aläx pa jun saqmolo’ chuqa’ ko juley pa rupam ri kite’ yekiy k’a ri ye’aläx.
Ri chikopi’ k’o pa saqmolo’ o chupam kite’ ye’aläx toq ütz chik. Ri taq chikopi’ yek’iy eqal. Toq nïm chik nikikanuj kulaj chuqa’ ri ruq’ijul k’aslem jun b’ey chik nb’iyin.
K’ïy chikopi’ ye’aläx pa saqmolo’ e tz’ikina’ po k’o b’ey man tz’ikin. Ronojel ri chikopi’ k’ïy b’ey junam kik’in kite’ kitata’. Po k’o chikopi’ man junam ta achi’el ri xpëq toq yenimär man junam rik’in ri oto’y.
Ri chikopi’ yejäl ronojel ruch’akul pa kiq’ijul k’aslem yeq’ax pa jalem. Achi’el ri palamax ri nuya’ rusaqmolo’ pa jun ruxaq wuj, che’, pa jun jay. Re saqmolo’ re’ ye’aläx ch’omoch’i’, rije yewa’ k’ïy toq nïm chik nub’än jun ruli’p k'a ri ne’el pe jun jeb’ël palamax. Chi la k’o ri jalem. K’a ri ri palamax nukanoj ruk’ulaj chuqa’ nub’än rusaqmolo’ y ri ruq’ijul k’aslem nik’o.
Ri weqaj k’aslem k’o jalajöj.
K’o chikopi’ yalan chanin ye’ik’o ri ruq’ijul k’aslem, achi’el ri sanïk ke rije’ xe oxi’ wuquqq’ij e k’äs. Po chuqa’ k’o q’ayïs achi’el ri chäj tikirel k’äs Kab'lajq'o lajk'al juna’.