Wp/cak/RI NA'ONEL ACHI NSAMÄJ PA JUYU

From Wikimedia Incubator
< Wp‎ | cak
Wp > cak > RI NA'ONEL ACHI NSAMÄJ PA JUYU

re jun lema’ chin jun wuj rub'i "Escuela para todos".

jun na'onel achi nsamäj pa juyu'

Jun k’ämel achi nsamäj pa juyu’ xk’oje’ pa rochoch k´ïy juna’, k’a xrijïx na. Majun xutz’ët ta ri b’eyomal, chuqa’ man xutïj ta poqon ruma ri meb’a’ïl. Rusamaj pa juyu’ jantape’ xuya’ ri nk’atzin chi re, chuqa’ chi ke ri  rach'alal, jantape’ xuk’waj jun ch’uch’uläj k’aslem, akuchi’ ri majun xurayij ta ruk’aslem jun chik winäq chuqa’ majun k’o ta jun winäq ri itzel ta xtz’eto’ richin.

Ri achi ri’  man xa xe ta jun utziläj winäq, samajel winäq, xa xetamäx ruwäch ruma chuqa’ yalan runa’oj, ruch’ob’oj. Xetamäx ri rutzij, runa’oj pa k’ïy tinamït chi ruwach’ulew.

Jun b’ey kan jun tijonel richin jun nimatijob’äl xb’erutz’eta’ ri na’onel achi ri’, ruma nrajo’ wi nretamaj achike ruma ri achi ri’ xetamäx ruwäch, chuqa’ yalan nya’ wi ruq’ij chi kiwäch ri achi’a’ ri yalan chuqa’ kina’oj.  Toq xrïl ri achi ri na’onel achi, ri tijonel xuk’utuj chi re:

-¿achike ab’anon rat ruma ri’ yalan ana’oj?  ¿ achike rub’eyal ab’anon rat ri atijon awi’ , ruma at k’o chupam re taq tinamït re’ ri yalan k’a näj e k’o pe, chuqa’ chi jun ak’aslem at k’o chi re?  Chuqa’ majun ntzu’ chi awochoch e  k’o ta sik’iwuj  ri asik’in or xkiya’ ta ana’oj?


-Majun xinwetamaj ta rik’in sik’iwuj chuqa’ majun xib’e or xineb’eyaj ta jalajöj tiinamït chi ruwach’ulew, - xub’ij ri na’onel achi.  Ri jub’a’ nuna’oj, nuch’ob’oj xuya’ chwe o xuk’üt chi nuwäch, chi peraj chi peraj ri qate’ ruwach’ulew. Achi’el ta: ri kab’ichiköp saqikab’ xuk’üt chi nuwäch ri ajowab’äl chi rij ri asamaj. Chi kij ri sanika’ ruyakik ri k’o awik’in richin ruq’ijul apo. Chi rij ri üt xinwetamaj ri ajowab’äl chi rij ri wixjayil chuqa’ ri walk’wal. Majun b’ey ninnimirsaj wi’ chi kiwäch ri winaqi’ ruma wi ke ri’ xtinb’än choj achi’el jun itzel tukr xkinok chi kiwäch rije’. Ri qate’ ruwach’ulew xuk’üt chi nuwäch ri man ütz nqab’än , ruma ri’ nq’ät pan nuk’aslem ri itzel na’oj.  Ri utiwa’ chuqa’ ri xik majun b’ey xtikïl ri ch’upun k’u’x k’o pa  ranima jun winäq or. ja ri yewa’ chi kij ch’aqa’ chik winäq. Ri sik’iwuj k’o chi ruwäch ri qate’ ruwach’ulew majun k’isel ta, ruma nuyäk nuk’u’x richin yina’ojin , yich’ob’on pa ruwi’ ronojel  ri rutz’ukun kan chi ruwäch ri loq’oläj ruwach’ulew.  Chi rij ri k’o chi qanaqaj yojtikïr nqelesaj jalajöj ruwäch taq na’oj.

-kan qitzin wi ri nab’ij, chuqa’ janila ruk’amon ya’on aq’ij, ak’ojlem- xub’ij chi re ri tijonel-.   Achike k’a ri xtitz’eto’ ri qäs k’o chi ruwach’ulew, xtiretamaj ri rejqalem chuqa’ ri retamab’alil  ri k’aslemal.