Wp/cak/RI CHIKOPI’
Tik’ases ri k’aslem toq natz’et jun chikop, ronojel ri chikopi’ ek’o chuwäch ri qate’ ruwechulew k’o jalajöj kisamaj, ek’o ri nikiya’ tik’ases pa qak’aslem, nikiya’ kikotem, yojkichajij, yojkito’ chin yojwa', janila jeb’ël.
Ek’o ri chikopi' ri man ütz ta kitz’eton ri winaqi’, jun tz’eteb’äl ri syan, rija jeb’ël ruma jeb’ël jalajöj b’onil ek’o aj pa ruwäy jari’ ri ch’oy, yeruk’is toq ninum, janila ri winaqi’ man ütz ta nikitz’et.
Keri chuqa' ri Tukur, ruma nikib’ij ri winaqi’ toq nib’ixan itz’el ruma’ rub’ix nub’ij chi k’o nikem. Ri chikop re’ keri’ ch’aqa etaqo’n tzij, ri winaqi’ man qetamanta jari’ ri itz’el ni kitz’et ri chikopi’. Ri qetaman nikimatioxij che ri rub’ix.
Ri Kumätz jun chik chikop ri k’o ru raxtewul toq natz’et jun, janila yaruxib’ij, nim la ruchuqa’, ruma’ ri’ ri achi'a’ nikikamisaj toq nikil pa juyu’ pa kech’elaj. Man ütz ta nikikamisaj ruma’ rije e ko’ pa rochoch, keri’ chuqa’ jun taqonel, k’o rajawal, k’o ru k’ayewal toq nakamisaj jalajöj chikopi’.
Keri’ ronojel ri chikopi’ man choj ta e k’o chiqaxkin, achi’el roj ri winaqi’ k’o jun qasamaj qak’amom pe’ k’o chi niqasamajij, wi man xtiqasamajij k’o ru k’ayewal, keri’ ri chikopi’ toq rije nikib’än kisamaj k’o chuqa' k’ayewal achi’el ri xqatzijoj qa, k’o kamik pa kiwi' ruma ri winaqi’ rujachub’en rusamaj, ri winaqi’ nikik’waj ri poqonal chupam ri ruk’aslem, ruma’ xkiq’et ruk’aslem ri chikopi’.
Ruma’ ri’ tiqachajij qi’ chikiwäch ri jalajöj chikopi’, tiqanimaj qitzij ri nim, ko’öl chikopi’, toq niqanimaj ri ki tzi’j janila jeb’ël xtub’än ri qak’aslem.
.jpg)