Wp/cak/RI AJ KE LA'

RI AJ KE LA’

Konojel ri winaqi’ nikib’ij chi ri q’anchi’ xkik’äm pe chi ke ri aj Ab’ya Yala ri b’anob’äl, ri tz’akolem, ri b’anob’äl, ri q’ojom, ri na’ojil. ¿qitzij ta po man qitzij ta?

Tiqatz’eta’:

CH’AJCH’OJIL: ja ta ri aztecas xe’apon ta kela’ España po xech’akon ta chi kij ri winaqi’, xkik’ut ta che ri q’enchi’ chi tikirel ye’atin ka’i’ b’ey pa jun q’ij po man ta xa xe’ jun b’ey pa jun wuqq’ij.

AQ’OM: chupam ri ramaj toq xek’oje’ pa ruwi’ ruwach’ulew ri aztecas, ri kaq’on q’ayïs janila’ ütz chi ruwäch ri ronojel ri ruwach’ulew. Ja ri’ winaqi’ aj pa q’ayïs xk’oje’ kitijob’äl richin aq’om, akuchi’ kijachon ri taq aq’om: aq’om richin chupam, (Tlamatepatli), poch’onel (texoxotla), ematólogo aq’omanel ch’akul (tezoc-tezoani), rije’ ketaman achike’ ruma’ ye’oqa’ ri yab’il, ri nimayab’il, po chuqa’ ri rub’anikil ye’aq’omäx ri yab’il ri, rije’ ketaman xkikusaj ri supositorios, pomadas, ulew aq’om, ri aq’om pa ib’och’il.

SUTIB’ÄL TZ’AQOLEM

K’a e k’o na k’a e pa’äl ri  jalajöj taq tinamït, ri e k’oxtun jay, ruma ri e retamab’alil nojk’ay chuqa’ ri sutib’äl tz’aqolem chupam ronojel ri Ab’ya Yala’, ja ri’ Teotihuacan, Xochicalco, Tenayuca po juley chik, konojel ri ri’ kik’wan jun ka’i’ xaq ruk’ayewal chi kiwäch ri e k’o kela’ Egipto, ustape’ rik’in ronojel ri, ri aj q’anchi’  xkib’ij chi ri winaqi’ e aj Ab’ya Yala’ e chikopi’.

RETAMAB’ALIL IK’CH’UMIL CHUQA’ RETAMAB’ALIL AJILANEM

Ri maya’ xkiya’ che ri ruwach’ulew ri ajilanïk “wa’ix”, chuqa’ ri cholq’ij po k’o jun xak ruq’ij chi ruwäch ri aj saqasetul, ri maya’ janila’ nïm ketamab’äl ri xkib’äm ri rik’in retamab’alil ik’ch’umil chi kiwäch ri aj seqasetul.

TIKO’N

Ri aj maya’ xkiq’i’ xetiko’n kan pa k’ïy k’ïy po xa xe’ rije’ xkib’än xetiko’ ke ri’ chi kiwäch ri jalajöj taq tinamït ri xek’oje’ ojer kan, ri “chinampas” ja ri tiko’n pa ruwi’ ri ya’, kana’ choj ye’atin ri kotz’i’j, ri tiko’n pa ruwi’ ri ya’.

RI NA’OJIL

Ri kisamaj pa kem, rik’in q’än ulew, xesamäj rik’in jalajöj taq ch’ich’, jalajöj taq che’, rik’in rusumal taq tz’ikin, rik’in ri kina’ojil xkitz’apej kichi’ ri aj seqasetul toq xe’oqa’ wawe’ Ab’ya Yala’ ruma’ kan jeb’ël, kan ütz ri kib’anikil xkisamajij. Wawe’ Ab’ya Yala  xkib’än, xkisamajij ri wuj kan ojer kan chi kiwäch ri q’enchi’, xkikusaj ri rij ri taq che’ richin xkitz’ib’äj ri kumatzin wuj po jalajöj taq sik’iwuj.

RI Q’OJOM

Kib'anob'äl Mayab' winaqi'

Ri q’enchi’  man xkiya’ ta ruq’ij ri q’ojom; ri winaqi’ aj maya’ xkitz’ib’äj pach’un tzij chuqa’ b’ix po yech’o’  chi rij ri ajowab’äl, ri achilab’ïl, chuqa’ chi rij ri ch’uch’uk’aslem ri yekikot rik’in ri ronojel ruwäch ri ruwach’ulew.

RI PWAQIL CHUQA’ RI K’AYINÏK

Ni xta jun winaqilem xusamajij k’ïy k’ayinïk chi kiwäch ri Incas chuqa’ ri Aztecas, ri kik’ayib’äl xapon k’a kela’ Nicaragua, po kipwaqil ruyon nusurij ri (autosufiente) chuqa’ janila’ pa rucholajem kik’wan, toq xeqa ri aj España manäq ketaman ta ruwäch jun rub’ey tz’il.

Faceboock