Wp/cak/Qati't ik'

From Wikimedia Incubator
< Wp‎ | cak
Wp > cak > Qati't ik'

Janila k’atzinel chi ri öj maya' winaqi’ niqetamaj rejqalem ri qati’t ik’ chupam ri qak’aslem, ruma rija’ nuya’ k'iy etamab'äl richin yojk'iyïr pa qana'oj chuqa’ pa rub’eyal ri qab'anob'äl.Toq nawetamaj rub’anikil ruk'aslem ri qati’t ik’, natz'ët chuqa’ nana'ojij ronojel ri etamab’äl xkiya' kan ri qati’t qamama' chiqe, ruma röj winaqi’ man qetamanta achike ruma ye'ik'o jalajöj taq k'ulwachinïk chupam ri qak’aslem, po wakami tikirel niqetamaj jub'a' pa ruwi’ ri kina'oj taq qatinamït.

Nab’ey tikirel niqetamaj chi e k'o kaji’ peraj richin ruk’aslem ri qati’t ik', akuchi’ tikirel nab'än jalajöj taq samaj; chupam jujun peraj, ri winäq k’o chi nuk'waj ütz rub’eyal chupam ruk'aslem kik’in ri juley chik winaqi’ chuqa’ rik’in ri kajulew.

Janila kejqalem ri jujun peraj ruk'aslem ri qati’t ik’, ruma nikiya’ ruq'ijul ri jalajöj taq samaj yeqab'än pa qak’aslem röj winaqi’ chuqa’ niqetamaj chi ri’ qak’aslem röj winaqi’, junam rub’anikil kik’in konojel ri wachinäq e k'o chupam ri kajulew. Junam qab’anikil rik'in jun chiköp, junam rik’in jun kotz'i'j, junam rik’in jun che' chuqa’ junam rik’in jun tiko'n.

Toq k'a lo'x ri ik’, janila k’atzinel chi man yeqab’än ta ch'a'oj chuwäch ri ruwach'ulew ruma, rija’ janila qaxomal xtuna' chupam ruch'akul. Toq nik'iyir ri ik’ janila k’atzinel chi niqaya’ rejqalem chuqa’ niqaya’ ajowab'äl chi re, ruma achi'el röj winaqi’ niqajo' ajowab'äl richin yojk’iyïr, ke ri’ chuqa’ ri’ qati’t ik’, chanin xtik'iyïr ruchuq’a’.Achi'el toq nqab'än ri’ qatiko'n tikirel niqasamajij pa ru setelem ri’ qati’t ik’, ruma wi niqaya' rejqalem achi'el xkib'än ri qati’t qamama’, kan qitzij pa rub’eyal xtub'än ronojel ri qasamaj.

Chuqa’ ke ri’, wi röj niqetamaj yeqab'än ri qasamaj rik’in ri qati’t ik’ janila xtik'oje' ri qana’oj chuqa’man xtikäm ta ri qapixab'äl.Ruma k'a ri, janila k’atzinel chi yeqanataj ronojel ri etamab’äl e k’o chupam ri qatinamït richinniqaya’ ruq’ij chupam pa qak’aslem ruma ri pixab’ chuqa’ k'o kik’aslem. Chuqa’ tikirel chi röj maya’ winaqi’ niqetamaj ch'aqa' chik taq na'oj pa ruwi’ ri samaj xekib’än ri qati’t qamama’ richin niqakanoj ruchojb'eyalil ri qak’aslem.