Wp/cak/Pachun tzij

JALAJÖJ TAQ TZIJ RICHIN RI QATI'T QAMAMA'

Tak'uxlaj, tak'uxlaj...

tak'uxlaj ri na'oj xkiya kan ri awiti't, amama',

tak'uxlaj, man tamestaj k'a.

Man tamestaj k'a ri pixab'.

Ri tzij, jun nïm tzij k'o kik'in

Man yak'ix ta ruma atzyäq, ruma atzij, ruma ab'anob'äl.

Xi ja ri', ri k'o chupam ri kik'el.

Rat ixöq tik'asäs ri apo't, ri awuq, jeb'ël ab'anikil,

tik'oje pan ajolom ri ütz na'oj kiya'on kan ri qawiti', qamama'.

rat achi' tak'uxlaj ri ak'aslem, tak'uxlaj ri säq kiwi', ri nimaläj kina'oj.

Man tamestaj ri qaway, qawän, qulew, ri qatinamit.

Röj marajo ta' chi rix nimestaj ri qawäch, ri qawi', qana'oj.

Röj yojk'oje' iwik'in rix, iwir, wakami' chuqa chwa'q kab'ij.

Man tamestaj k'a ri qawäch, tak'uxlaj chi ape rix ix k'o qik'in.

Xtzib'an Sélvin Oxkal

Tinamit: San Pedro Sacatepéquez, Guatemala.