Wp/cak/Oyonib'äl
Ri Etamanel Oyonib'äl jun samajb'äl janila utziläj richin nukusäx chu b'anik jalaöj taq samaj. Ri etamanel oyonib'äl ik'owinäq ri ruq'ij chuwäch ri nab'ey taq oyonib'äl ri akuchi xa xe wi tikirel nak'ul oyonïk chuqa richin yatoyon. Ri etamanel oyonib'äl jun samajib'äl ruk'amön pe jun Cholkema'oyonib'äl (SO) chupam, ja k'a ri' ri ninuk'un ronojel ri samaj tikirel nub'än.
Tikirel nuk'ul jalajöj taq kemasamajib'äl richin nitäq chuqa nik'ul tz'ib'anik; kemasamajib'äl richin nelesex wachib'äl chuqa silowachib'äl; kemasamajib'äl achi'el ri palaqinel richin runik'oxik ri k'amaya'l; kemasamajib'äl richin yeb'an oyonïsilowachib'äl; kemasamajib'äl richin jalajöj taq etz'anem; kemasamajib'äl richin nib'än jalajöj taq samaj. Ri etamanel oyonib'äl kan xa b'ama nujunumaj ri' rik'in ri kematz'ib'.
Ri etamanel oyonib'äl pa retal ramaj[edit | edit source]
Ri nab'ey[edit | edit source]
Ri etamanel oyonib'äl ri etaman kiwäch wakami man ke ta la' toq xetz'ukutej pe. Ri nab'ey "etamanel oyonib'äl" ri xb'an, xub'ini'aj "Angler" (IMB Simon Personal Comunicator). Ja ri ma Frank Canova xb'anön pa 1992 toq rija' nisamäj wi pa IBM.
Ri pa taq juna' 2000, ri nab'ey taq etamanel oyonib'äl[edit | edit source]
Chi la' pa Saqasetul ri molsamaj Nokia tajin xeruchop rub'anïk etamanel taq oyonib'äl rik'in ri kemasamajib'äl Symbian. Ke ri' chuqa xkib'än ri nab'ey taq etamanel oyonib'äl richin ri Windows Mobile chuqa ri BlackBerry chupan kan ri ramaj ri'. Po nab'ey, re juläy samajib'äl re re', xeb'an richin ri nim taq molsamaj, ri winaqi' ri yek'ayin, ri yeloq'on, ri nikich'äk pwäq.
K'a ja' pa ri juna' 2006, ka ja' ri' toq ri Nokia tajin xuchop kib'anik ri oyonib'äl kichin ri winaqi' ri yetikir nikiloq'. Ke la' pa jotol, chupam ri juna' 2007, ri molsamaj Apple xuchop ruk'ayixik ri nab'ey IPhone ri ruk'amön pe ri kemasamajib'äl IOS richin oyonib'äl. Ri talutz'ib' Time, xub'ij chi re re' ja re' ri " tz'ukuj richin ri juna' ". Ri nab'ey rajil xel chi $499.00. Po ja re' ri nab'ey etamanel oyonib'äl ri ruk'amön pe jun ru kemasamajib'äl richin jun oyonib'äl. Chupam ri juna' 2008, ja ri' toq xel pe ri nab'ey ruwäch ri kemasamajib'äl richin ri Android.
To re ka'i' kemasamajib'äl re', ri IOS richin oyonib'äl, chuqa ri Android, ja re' ri kemasamajib'äl ri kan xkinuk' rub'anikil ri samaj pa taq etamanel oyonib'äl, k'a wakami. Qitzij na wi, e k'o juläy chik kemasamajib'äl, po ja re ka'i' re' ri ye'ukusäx xa b'ama pa ronojel ri ruwach'ulew ri wakami.
Ri kib'anikil ri etamanel oyonib'äl wakami[edit | edit source]
Ri etamanel taq oyonib'äl wakami, yalan e jeb'el ruma ri kib'anikil wakami. Toq rub'anön kan, ma xa ta jun achike xachik'an chi k'o ta jun samajib'äl la ke la' ta rub'anikil, la ke la' ta rusamaj. Wakami kik'amön pe richin rub'anïk, chuqa ruyakik wachib'äl, silowachib'äl, richin rak'axaxik q'ojom, talutzij, taluwäch, chuqa richin jalajöj taq samaj.
Xa b'ama konojel xa junan jub'a ri kib'anikil, e yuqtz'ik, ri kiwachtzub'äl e tiq'b'äl, chuqa e xax. Po k'o chuqa ri tkirel yeq'ochotej pa nik'aj richin ye'ok e ko'l.