Wp/cak/Moloj Ajtz’ib’

From Wikimedia Incubator
< Wp‎ | cakWp > cak > Moloj Ajtz’ib’

Ri moloj ajtz'ib' e jun molaj taq ixoqi’ chuqa taq achi'a’ ri yetz’ib’an pach’un taq tzij, chuqa jalajoj taq tzijonem pa kaqchikel ch’ab’äl, chuqa pa kaxlan ch'ab'äl. Konojel e aj Chi Xot tinamit. E jun molaj ri janina niqa chikiwäch ri ruk’u’x ri kaqchikel ch’ab’äl, ruma ri yetz’ib’än, chuqa janila niki poqonaj chuqa nikiya' ruq'ij konojel kiwäch ri jalajöj taq na'ojil samaj ri yekib'än ri achi'a' chuqa ri ixoqi' ri e ajna'ojil pa qana'oj mayab'. Chuqa janila niqa chikiwäch ri kib'anob'äl, ki ch'ob'onïk, ri ketamab'äl ri kati't kimama', ri kite' kitata'; chuqa janina niqa chikiwäch ri jalajoj chik kiwäch ri ajchowen ri ek’o, achiel ri silonem, ri b'oninem, ri q'ojonem. Rije' nikib’ij chi e jun molaj ach’ali’ ki’ ri kichapon rukemik jalajoj taq rayb’äl chikij ri ajchowen.

Logotipo de Ajtz'ib'.

Ri kuchuq’a jari jalajoj kiwach taq b’anob’äl chuqa taq nojb’äl ri e k’o kik’in; chuqa ruma e k’o kik’in nima’q taq ixoqi’  ke achia’, chuqa kokoj taq xtani’, ke alab’oni’; jak’a ri erumolon, ja ri eruximon, ja ri kirayb’äl richin yetz’ib’an.

Ja re' ri e k'o wakami pa ri molaj Ajtz'ib':

Ya Negma Coy

Ma Noé Roquel

Ma Miguel Angel Oxlaj

Ya Victoria Colaj

Ma Julio Ramírez

Ma Gabael Otzoy

Chuqa e k'o chik juläy ri kichapom samaj kik'in.

Chupam ri juna’ 2017 xkichop junchik kisamaj: Xkitz’uk jun k’o’l taluwuj, rub’inian Ajtz’ib’ Editores, richin nikitaluj jalajoj taq sik’iwuj kichin netamäx kisamaj ri alab’oni’ chuqa ri xtani’ ri yetz’ib’an pa tinamit Chi Xot. Ri nab’ey sik’iwuj ri xkitaluj, rub’inian “Alaxinäq pa k’ichelaj”, ja ri sik’iwuj ri’ rumolon jalajoj taq pach’un taq tzij kichin waqi’ tz’ib’anela’ richin ri Chi Xot tinamit.