Wp/cak/Loq'oläj ya'

"Loq'oläj ya'"

Raqän Ya'

Ri ya’, jun chi ke ri rutikomal ulew ri nusipaj ri Qate’ Ruwach’ulew chi qe. Ri ya’, nqïl pa raqän ya’, pa choy, pa palow, pa ri jäb’ chuqa’ pa jalajöj ruwäch k’aslem e k’o. Ri ya’ nqokisaj ronojel q’ij pa qayonil, kik’in qach’alal chuqa' pa qatinamit.

Ruchuq'abil ri loq'oläj ya'

Imox: nuq’ajuj ri palow, ri raqän ya’, ri choy. Ja ri’ ruchuq’ab’il ri ya’, ri palow. Jun q’ij richin nak’utuj ri loq’oläj jäb’ chuqa’ ye’urtusäx ri raqän ya’, ri choy, ri palow. Pa ri winäq, k’o pa qakik’el nixule’ nijote’ pa qach’akul.

Ruchajixik ri loq'oläj ya'

Pa qaq'a' qonojel winaqi' k'o ruchajixik ri loq'oläj ya', tiqatikirisaj pa qayonil pa qochoch, tiqak'utu' ruchajixik chi ke ri ak'wala', xtani' alab'oni'. Mani niqamestaj chi ri itzelal xtiqab'än chi re ri loq'oläj ya', ja ri' ri itzelal niqab'än chi qe röj ri öj k'äs pa qate' ruwach'ulew.