Wp/cak/Ixoqi'

Nimaläj ixoqi' chin ri tinamit aj San Pedro.

Pa ri Maya' b'anob'äl janila rejqalem ri Ixoqi', ruma jun Ixöq ruk'amon pe ri k'aslem pa ruch'akul rik'in rija' naläx jun ak'wal, pa ruq'a' ri ixöq k'o achike rub'eyal nuk'ut nuk'waj jun utziläj k'aslem jun ak'wal richin ke ri toq ninimär utz ri ruk'aslem.

Re jun achib'äl re richin jun maya Ixöq

K'ïy winaqi' kitz'eton chi jun ixöq xa xe' nisamäj pa rochoch, xa xe' nub'än q'utum, man niya'ox ta ruk'ojlem man niya'ox ta ruq'ij po qetaman chi pa ri Maya' b'anob'äl ri ixoqi' nïm kiq'ij nïm kik'ojlem ja ri kik'utun kan ri qati't qamama' pa ri Pop Wuj, chi ri Ixöq junam ruq'ij rik'in ri achi' tikirel niya'ox rutzijol wakami chi ke ri ak'wala' chi ri Ixöq chuqa' ri achi' junam kiq'ij junam kik'ojlem.

Ri samaj nqab’un ri ixoqi’ k’o jun nim rejqalem, ke'l nb’ij ri na’oj chin ri qawiti', qamama’, ri ixöq jun nimaluj samaj k’o rk’in ruma ja nt’ia k’aslem choch ruch’ulew kery chuqa yalan na’oj k’o pa rujolon chin taluj chike roj qonojel. Ojer kan, pa ruwi ri rutelen yalan samaj xkib’än apu, kami käx k’ayewal k’o chirij rije'.

Jatak’ari k’a jun chik samaj k’o chirij ri ixoqi' ja ri, ri jalajoj etzanem, ruma k’a kami ja nyi'ox q’ij chire rije, ke'l nqatzut k’in ri jun moloj ixoqi' etzan kela ri tinamit Nawal ja'’, yalan ütz nqatzät ruma rije man k’ix tuj nkikusaj kip’ot. Chupam ri jalajoj qatinamit k’o jalajöj ixoqi', ixtani' yalan yitz’an k'olaj, po man yi'ox ta' q’ij chire, chin nqetamaj kisamaj rije.

Ri ixoqi’ ma xaxe ta' ri ri rusamaj, rije chuqa nkik’ut chire ri kal ri rejqalem k’o chupam ri qate ch'uch'ulew, ruma rije junet k’in ri qate ulew, rije nkiya ri pom che ri nab’uy loq’oluj qatata’, rije ntyoxij ruma ri ixim xisipaj pe' ri ulew.

Ruma ri, rije k’o pur q’a nkich’ajij ri ruwach’ulew. man q’atorij ri seq’ pa b’uy ri ya, pa qab’uy roj, qatiqa ri che, kery chqa nqach’ajij. Qamol qi’ roj qonojel, chin kery chwaq kab’ij manje ta' jun nim k’ayewal chupam ri qatinamit. Ruma rije ixoqi’ rije k’o rejqalem kery chuqa ntkir nqab’un jalajöj samaj.