Ri Iximche' ja ri' ri nab'ey kitinamit ri Kaqchikela', xkinuk' chupam ri juna' 1465 chupam ri q'ij ka'i' K'at kuma ri ajpopi' Jun Toj, Wuqu' B'atz', Chuluk chuqa' ri Xitamal.
Ri Iximche' K'o chupam ri juyu' Ratz'am Üt, chuqa' e k'o siwan chi ruchi' richin xkito' ri tinamït, xa xe jun peraj akuchi' tikirel ye'ok wi pa tinamït.
Chupam ri juna' 1524 xeb'e'apon ri kaxlani', ri kaqchikela' jeb'ël xekik'ül, xa xe ruma ri kaxlani' man ütz ta ri kina'oj ruma rije' ja ri q'anapwaq nikajo' ruma ri' ri Kaji' Imox rik'in ri B'eleje' K'at xkipab'a' ki' chuqa' xkichäp ri kab'al kik'in ri kaxlani'.
