Wp/cak/B'anob'äl

From Wikimedia Incubator
< Wp‎ | cakWp > cak > B'anob'äl

Chupam ri rusetelen ri Qate' ruwach'ulew, e k'o k'ïy ruwäch taq tinamït, po chupam jujun chuqa' jalajöj ri kib'anob'al, chuqa kib'anikil, ri b'anob'äl ja ri' ri yaruto', nub'ij chi ke ri juk'a'n chik winaqi' ri at achike rat, ri at aj akuchi' rat.

E k'o kaji' rutemeb'al:

Nab'ey: ri ch'ab'äl: pa rusetelen ri Qate' ruwach'ulew e k'o oxlajq'o lajuj taq ch'ab'äl yech'ab'ex, jujun ch'ab'äl k'o rejqalem ruma' jujun ruk'olon chupam ri taq kik'aslemal ri winaqi'. chupam ri maya' b'anob'äl chupam ri qach'ab´äl k'olon wi ronojel ri taq ketamab'ál ri Qati't Qamama'. ruma man tikirel ta niqaq'asaj pa kaxlan tzij ruma nusäch ruki'il chuqa ruk'ojlem. pa iximulew yech'ab'ex juk'al oxi' taq ch'ab'äl chi kixe'el emaya'.

Ruka'n: ri tzyaqb'äl: achi'el e k'o k'ïy b'anob'äl chuqa ke ri' ri kib'anikil rokisaxik kitzyaqb'al. Chupam ri maya' b'anob'äl chupam ri taq jalajöj tzyaqb'äl k'olon wi k'ïy taq etamab'äl chuqa', etamab'äl pa ruwi' ri maya' ojer tz'ib', pa ruwi' ri chajinela' richin jujun tinamït, pa ruwi' ri kisamaj nikib'än chupam jujun taq tinamït, chupam jujun po't, jujun uq, nub'ij chiqe achike nik'ulwachitäj chupam jun b'anob'äl.

Chupam ri maya' b'anob'äl ri rutzyaqb'äl ri ixöq ja re': po't, uq, pas, xajab', xoq'ob', ichinaj. richin ri achin ja re': kamixa', koton, ximb'äl, wexaj, pawi'aj, peqës.

Rox: k'ojlem: jujun tinamït chuqa' k'o kik'ojlem achi'el röj oj maya' winaqi' k'o juläy qak'ojlem, chi juläy chik winaqi' man nikib'än ta. ninya' jujun taq tz'eteb'äl pa ruwi' re':

  1. Ri urtusaxïk richin ri loq'oläj ixïm
  2. Ri taq xukulem, mejlem, richin k'awomaxïk
  3. Ri wayeb', ri k'ak'a' juna'
  4. Ri urtusaxik jun jay
  5. Chuqa' juläy chik
Güipil ceremonial, Aldea de Chuacruz (Sololá, Guatemala)