Wp/cac/Main Page

Haton heb' komam kicham b'ojinak yolk'u tob' ay sb'al sk'o'ol heb' mato snok'al sk'o'ol heb', ay schoj yokesal heb', tob' hata' smolb'ej sb'a heb' smasanil, ay jun makanh heb' skuchan chihalonh, syalelk'ochi' “Tzapalute”, haxo junxo makanh heb' skuch yaxalonh, syalelk'ochi' “yaxb'atz”, mato ha heb' aj San Sebastián Cuatán. Ha heb' skuchan yaxalonh chi' tob' maxyallaj sk'o'ol heb' howal, haxo heb' chihalonh chi' ste' tzuntzani, yujchi' pechb'ilb'at heb' yuj heb' komam kicham chi'. Ha b'ab'el Tepan, haton Tepan ay tikne'ik yujto ha t'a pekataxo malaj ch'ok animail tz'och t'a yo'ol anhej heb' komam kicham tz'ochi, yujto ha t'a yol sk'ub'ej el sb'a heb' yik syil heb' machtak anima tz'elk'an b'at atz'am atz'am t'a kochonhab' tik, haxo ste' maklan yil heb' k'u'al ak'wal mach tz'elk'an b'at atz'am, ixtota' yilchaj elta to ha heb' chihalonh chi' tz'elk'an b'at atz'am. Maxyallaj sk'o'ol heb' komam kichamchi' ste elk'aj b'at atz'am yujchi' syak'wal och sk'u'al yak'walil heb' stanhwani, junxo sna'an elta heb' sb'at heb' t'a K'atepan yik lak'anxonhej skan t'ay heb', sek syil heb' machtak tz'elk'an b'at atz'am atz'am chi'