Wp/bzj/Hischri a di Maya sivilizayshan

Di hischri a di Maya sivilizayshan divaid op intu chree mayn peeryad: di Pree-Klasik, Klasik, ahn Poas-Kalsik peeryad; di Oal-oal Peeryad mi kohn bifoa, wich mi ga di fos vilij setlment ahn erli divelopment eena agrikolcha. Tideh day ejukaytaz tink bowt dehnya peeryad az jos wahn way fi divaid op how fi gi dayt tu difrant taim eena Maya sivilizayshan. Da noh soh moch wahn ekzak yaaz put tu how di Maya kolcha kohn bowt er faal dong. Di dayt fi di staat ahn fi di en a di peeryad dehn ku ga difrans bai bowt wan honjrid yaaz. Ih dipen pahn hoo da di raita. Di Pree-Klasik mi laas fahn bowt 2000 BC tu bowt 250 AD; di Klasik fala dis, fahn bowt 250 AD tu rong bowt 950 AD, den di Poas-Klasik, wich da-mi fahn 950 AD tu di migl a di 16t senchri. Eech a dehnya peeryad ga moa divizhan.