Wp/bzj/Hischri a di Maiya peepl

Di hischri a di Maya peepl brok op eena chree paat: Bifoa-Klasik, Klasik, ahn Afta-Klasik. Bifoa dehnya taim, da-mi di Bifoa-taim paat a di Maya hischri. Joorin di Bifoa-taim paat, di Maya mi fos setl eena di vilij dehn ahn staat op agrikolcha. Di way tudeh day ejukaytaz brok op dehnya taim noh ga no set way; ih jos bays pahn kolcha maakaz er pahn sohn a weh wi kaal di bad tingz weh mi hapm. Yu ku ga laik 100 yaaz difrans wid how wan ejukayta maak taim eena Maya hischri wid how nada ejukayta maak it. Di Bifoa-Klasik taim mi laas fahn bowt 2000 BC tu bowt 250 AD. Den mi kohn di Klasik taim, fahn 250 AD tu bowt 950 AD. Neks da-mi di Afta-Klasik, fahn 950 AD tu di migl a di 16t senchri. Plos, moa divizhan deh eena eech a dehnya taim.