Wp/bto/Tishiko King

From Wikimedia Incubator
< Wp‎ | btoWp > bto > Tishiko King

Si Tishiko King dati gikan sa Torres Strait Islands sa Australia. Siya a tagapagkampanyang direktor sa Seed Idigenous Youth Climate Network ag nag-entra sa 2021 United Nations Climate Change Conference (COP26) sa Glasgow, kin sari iya man a nagrepresentar ka organisasyon sa isla ka Torres Strait, a Our Islands Our Home.[1][2]

Buhay[edit | edit source]

Si King, usad na Katutubong Australyano, usad na babaying Kulkalaig galin sa Masig Island (Yorke Island) ag agko partidarios sa Badu Island, pangala sa Torres Strait. Binayaan niya a kanyang pamilya nganing mag-atendir sa eskwela na nakatenir sadto kun siya sadayh pa ag kin sari siya nagdakulo sa usad na banwaan na minahan ka kandang pinagdakuluan a epekto ka pagmina sa mga katutubo. Matapos an usad na taon na pagklase sa kolehiyo, nagpundo iya sa unibersidad pangala nagtrabaho sa usad na resort sa Moreton Island, norte-este ka Brisbane, kun kaya nagka-agku iya sa pagkahilig sa dagat. A kanyang desisyon na ipagdagos a karera bilang usad na biyologo sa marina naimpluwensiyahan man ku Cyclone Hamish ku 2009 na nagkawsa sa distroso sa barkong MV Pacific Adventurer, na nagresulta ka pagwarak ka gasolina ag ammonium nitrate pasadtu sa Coral Sea, na naglakop sagkod sa Moreton Island ag pagtaraning na lugar. Si King nagin parte ka mga nagrabuz sa Moreton Island nganing malinigan a baybayon, kun kaya kanyang nabayad nanggad a distroso sa baybayon ag buhay-marina sadi.[3][4]

Karera ag aktibismo[edit | edit source]

Makalihis a pirang taon, si King nagbwelta sa unibersidad nganing adalan a buhay marina sa Griffith University sa South East Queensland sa pagbulig ka CSIRO, usd na ahensyang Australyano na responsible para sa siyentipikong pagsaligsalig. Siya man nagtrabaho bilang usad na indigenous liaison officer sa sarong bauxite mining company sa Weipa, sa Cape York Peninsula sa Queensland. Dangan, siya nagin campaign director sa usad na Indigenous Youth Climate Network ag nagtrabaho man bilang usad na boluntad na impact coordinator sa Environmental Film Festival Australia. Siya man usad na community organizer sa Our Islands Our Home.[5]

Toltolan[edit | edit source]

  1. ‘Indigenous people feel the climate crisis. Our land is a part of us’ Kinuku ku 15 Nobyembre 2021
  2. Our Islands Our Home Kinuku ku 15 Nobbyembre 2021
  3. Tishiko King, Seed Mob Kinuku ku 15 Nobyembre 2021
  4. TISHIKO KING World Science Festival. Kinuku ku 15 Nobyembre 2021
  5. Tishiko King Indigenous Women In Mining and Resources Australia. Kinuku ku 15 Nobyembre 2021