Wp/bto/Ridhima Pandey

From Wikimedia Incubator
< Wp‎ | btoWp > bto > Ridhima Pandey

Si Ridhima Pandey (ipinangigin 2009) usad naaktibista pangkalibutan galin sa Indya na nagsusuportar sa laban sa pagbabago sa klima. Baga iya si Greta Thunberg.[1] Ku siya nuebe anyos, nagkaso iya laban sa gobyerno ka India dahil sa diri paggibo ka mga lakdang para labanan anpagbabago sa klima.[2] Usad man siya sa mga nagrereklamo sa United Nations, kaiba a nagkapira pang hoben na aktibista sa klima, laban diri pag-aksyon ka nagkapirang nasyon para sa krisis sa klima.[3]

Pinaggalinan[edit | edit source]

Si Pandey nakaistar sa Uttakhand, usad na estado sa Amihanan ka India. A kanyang ama, si Dinesh Pandey, usad man na aktibista sa klima na nagtrabaho sa Uttarkhand sa luog ka 16 na taon.[4][5]

A baloy ni Pandey sa Uttalakhan naapektaran nanggad ag nagkararaot ku panahon sa naglabos na sampulong taon. Ku 2013, lampas 1000 katawo a nagguraan sa pagbaha ag mga pagrasay ka raga.[6] Haros 100,000 katawo a kinaipuwan na galinon sa rehiyon.[7] Basado sa World Bank, a pagbago ka klima posibleng marhay na marugang sa kasakitan sa suplay ka tubig sa India.[8]

Aktibismo[edit | edit source]

Legal na aksyon kontra sa Gobyernong Indyan[edit | edit source]

Sa edad na siyam, si Pandey nagkaso siya laban sa Gobyernong Indyan base ta diri nira ginibo a mga lakdang laban sa pagbabago sa klima na pinag-bisarahan nira sa Paris Agreement. A kasong di sa korte iinatubang sa Nasyonal na Green Tribunal (NGT), usad na korte na inistablisar ku 2010 na manungod sana sa mga kaso sa kapalibutan. Pinaki-ulayan man ni Pandey a Gobyerno na mag-andam sa plano na bawasan a mga emisyon nin carbon ag a usad na plano sa bilog na nasyon tanganing kurbahon an epekto ka pagbabago sa klima, pati na a paggamit ka mga gasolina sa India.

Sa usad na interbyu sa The Independent. Si Pandey nagsasabi:

" A kanakong Gobyerno di nakagibo sa mga paagi na makontrol ag inaan an pagbuga ka greenhouse gas, na amo rason ka grabeng mga kamutangan sa klima. Maaapektaran ako kadi ag a maabot na mga kapag-iriginan. A kanakong nasyon agku dakulong potensyal na mabawasan a paggamit sa gasolina ka fossil, ag huli sa aksyon ka Gobyerno dinulok ko an National Green Tribuna."[9]

Ginalin ka NGO a kanyang petisyon, na nagsasabi na adi natukar irarom ka kapalibutan paktong asesment.[10]

Kontra sa Naciones Unidas[edit | edit source]

Durante ka kaniyang aplikasyon na magpaiyan sa Oslo sa Noruegong visa, narungog niya a manungod sa usaf na organisasyon para sa hoben na mga aktibista sa klima. Dinulok niya a organisasyon, ag napili siya na magpaiyan sa New York para sa 2019 United Nations Climate Acts summit.[11] Durante ku summit, ku 23 Setyembre 2019. Si Pandey kaiba a 15 pang igin, kaiba si Greta Thunberg, Ayakha Melithafa ag Alejandria Villaseñor, nagreklamo sa United Nations Committee on the Rights of the Child, na nag-aakusar sa Argentina, Brazil, Alemania, Pransia ag Turkiya tanganing lapason a Kombension sa Deretso kan Aki paagi sa di pagtao sa maninigong atensyon sa krisis sa klima.[12]

Rugang pang aktibismo[edit | edit source]

Si Pandey nag-ayat sa labing pagprohibir ka plastik, na a padagos na pagprodusir kadi resulta ka demanda nin konsumidor. Binaoy man niya a gobyerno nin India ag a lokal na mga autoridad na gumibo sa mas dakol pang paagi tanganing linigon a Salog nin Ganga.[10] Sinabi niya na minsan ipinopromesa ka gobyerno na linilinigan nira a salog, pero di nagkaigwa nin dakulang pagbabago sa kamutangan ka salog.[13]

Ibinutang a kanyang biograpiya sa Children vs Climate Change na nagsasabi kan saiyang katuyohan:

" Muya kong iligtas a kanatong puturo. Muya kong iligtas a puturo ka ngamin na mga igin ag ngamin na tawo sa masurunod na henerasyon"[14]

Gawad[edit | edit source]

Si Pandey kaiba sa lista ka 100 Women kan BBC na pinag-anunsyar ku 23 Nobyembre 2020..[15]

Baydon pa[edit | edit source]

Mga susugan[edit | edit source]

  1. Who Is Ridhima Pandey
  2. Meet the nine-year-old girl who is suing the Indian Government over climate change
  3. earthjustice.org
  4. Meet the nine-year-old girl who is suing the Indian Government over climate change
  5. "Meet the nine-year-old girl who is suing the Indian Government over climate change". The Independent.
  6. India's death toll in aftermath of floods reaches 1,000
  7. Many still stranded in India floods
  8. Climate Change Impacts
  9. Template:Cite web"Meet the nine-year-old girl who is suing the Indian Government over climate change". The Independent. 1 April 2017. Retrieved 23 April 2020.
  10. 10.0 10.1 Template:Cite news"Who Is Ridhima Pandey". Business Standard India. Retrieved 23 April 2020. Cite error: Invalid <ref> tag; name "business-standard.com" defined multiple times with different content
  11. India's Greta Thunberg: All about 11-year-old climate activist Ridhima Pandey
  12. #ChildrenVsClimateCrisis
  13. Template:Cite webDelhiSeptember 27, Press Trust of India New; September 27, 2019UPDATED; Ist, 2019 18:34. "India's Greta Thunberg: All about 11-year-old climate activist Ridhima Pandey". India Today. Retrieved 2021-04-20.CS1 maint: numeric names: authors list (link)
  14. Template:Cite web"#ChildrenVsClimateCrisis". childrenvsclimatecrisis.org. Retrieved 23 April 2020.
  15. BBC 100 Women 2020: Who is on the list this year?|language=en-GB