Wp/bto/Flaviana Charles

Template:Infobox tawo Si Flaviana Charles usad na abogadang taga-Tanzania ag executive director ka Business and Human Rights Tanzania. Aktibong iyang myembro ka African Union's Network of African Women in Conflict Prevention and Mediation.

Buhay

Si Flaviana Charles nagdakulo sa Mtandika, Tanzania na udang mga kag-igin. Si Charles nakapag-adal man sa Mtandika Trade School sa paagi ka sponsorship grant, usad pa sana sa sampulong estudyante na nakagibo kadi. Pinagpadakulo iya ka madreng si Sister Barberina Mhagala, ana proctor ka eskwelahan, kin sari nagtatao sa mga hoben na babayi sa edukasyon-sekondarya ag kakayahan sa pagtatahi.

Ku 2002, si Charles natapos a Bachelor of Laws (LLB) sa University of Dar es Salaam anggan nagkuku man iya sa master's degree sa International Law and Human Rights ku 2010 sa Coventry University sa England.

Karera

Matapos iyang grumadwar, si Flaviana Charles nagin program officer sa Legal and Human Rights Centre sa Tanzania. Si Charles nagin myembro ka pirang mga organisasyon na nakasentro sa batas ag deretsos ka mga tawo, kabali sadi ana Tanganyika Law Society (Continuing Legal Education Committee), East African Law Society, African Coalition for Corporate Accountability, Tanzania Women Lawyers Association, ag Tanzania Human Rights Defenders Association. Rugang pa kadi, si Charles nagtuttro sa University of Bagamoyo ag sa Law School of Tanzania, kin sari adi nagtututok sa gender equity, community investment rights, deretsos na makapaglinig, ag corporate social responsibility.

Basahon man

• [[|Wp/bto/Jacqueline Mutere|Jacqueline Mutere]]
• [[|Wp/bto/Bai Bibyaon Ligkayan Bigkay|Bai Bibyaon Ligkayan Bigkay]]
• [[|Wp/bto/Helena Gualinga|Helena Gualinga]]
• [[|Wp/bto/Margaret Ghogha Molomo|Margaret Ghogha Molomo]]