Wp/bto/Bai Bibyaon Ligkayan Bigkay

Si Bai Bibyaon Ligkayan Bigkay usad na lider na Lumad ag enviromentalist. Siya a una ag solong babaying lider sa kasaysayan ka mga Manobo.

Pinag bubusod niya a deretsos ka mga katutubong grupo ag nagin taga-protehir man iya ka mga ragang minana ka mga Manobo ag ka Kaburiran kan Pantaron magpuon pa ku 1994. A Kabukiran ka Pantaron amo ana napamumutangan kan mga natutudang darakulung mga kakahuyan sa Pilipinas. Amo man adi ana minatao sa tubig sa mga mayor na salog ag sapa sa Mindanao, pangala ana Mindanao River, Pulangi River, Davao River, Tagoloan River, ag mga mayor na labusan ka Agusan River. Si Bigkay pinagtawan ka titulong Bai na nakareserba sana para sa mga babayi sa Mindanao na agku sa mga dakulu ag marhay na ambag ag an Bibyaon ana ngaran man ka kanyang titulo bilang lider ka kanyang tribo.

Usad siya sa lider na nagkontra sa nakakadanyar na mga operasyon ka mga paraputol kawoy na amo man ana makakaraot sa mga raga kan Manobo sa Talaingod, Davao del Norte.

Si Bigkay nakaresibe sa University of the Philippines Gawad Tandang Sora ku 2017 para sa kanyang pagpamayo sa paglaban ka mga katutubong grupo para sa deretsos ka mga tawo ag pagmantinir ka kanyang dignidad.. Pinagmidbid siya bilang "the Tandang Sora of the countryside… the Mother of the Lumads who inspires the revolution of the Filipino people for national self-determination and freedom."

Pinagbisto man siya bilang Most Distinguished Awardee of the 5th Gawad Bayani ng Kalikasan (Hero of the Environment Award) ku 2018.