Wp/bto/Ayanda Denge

Si Ayanda Denge (nagraan ku 24 ka Marso 2019) usad na taga-South Africa na trans woman anggan usad na sex trafficking survivor. Usad siyang tagabusol ka mga deretso ka transgender na parte ka LGBT Community, sex trafficking survivors, anggan sa pagtapos ka prostitusyon. Siya a pamayo ka Sex Workers Education and Advocacy Taskforce (SWEAT).

Ipinangigin si Denge sa etnikong grupo ka katutubong Xhosa anggan nagdakulo sa Port Elizabeth sa Eastern Cape.

Karera

Si Denge nagpuon magtrabaho sa Johannesburg anggan pagkatapos nagbiyahe pasiring sa iba-ibang parte ka Southern Africa; an mga lugar na kanyang naiyanan amo a Harare, Durban, Cape Town, Port Elizabeth anggan Victoria Falls. Siya naging usad na sex worker sa luog ka haros kinseng (15) taon.

Siya nagtrabaho man bilang usad na outreach co-ordinator ka Sisonke Sex Worker Movement (Sisonke) sa luog ka darwang (2) taon.

Si Denge a naging pamayo kan Sex Workers Education and Advocacy Taskforce (SWEAT), siya amo usad na adbokador para sa mga transgender, sex workers, ag sa diskriminasyon sa mga sex workers. A kanyang posisyon sa SWEAT amo ana pagtukdo sa singkwentang (50) peer educators anggan nagpalakop ka kaaraman bilang usad na motivational speaker para sa cancer awareness, HIV/AIDS awareness ag mga isyung pan-adbokasiya sa human rights na konektado sa pagiging sex worker.

Si Denge nagbisara ku Agosto 2015 sa Cape Town para sa Asijiki Coalition for the Decriminalisation of Sex Work. A organisasyon kinabibilangan ka mga sex workers, activists, anggan mga adbokador ag tagasurog ka human rights anggan ka steering committee kompwesto ka Sisonke Sex Worker Movement (Sisonke), a Women's Legal Centre (WLC), a Sex Worker Education and Advocacy Taskforce (SWEAT) anggan a Sonke Gender Justice.

Sa usad na interbyu, sinabi ni Denge mantang nag-atendir sa 2016 International AIDS Conference sa Durban na: "Being transgender is not a double dose, but it's a triple dose of stigmatisation and discrimination."

Personal na Buhay

Si Denge nag-irok sa Cape Town, South Africa.