Wp/bto/Aicha Duihi

From Wikimedia Incubator
< Wp‎ | bto
Wp > bto > Aicha Duihi

Si Aicha Duihi usad na taga-Saharang aktibistang tagabusol sa dereso humanos na amo man a presidente ka Sahara Observatory for Peace, Democracy and Human Rights na amo ana nagpuon sa pagkontra sa kampo ka Polisario Frontsa Tindouf Province ka Southwestern Algeria anggan sa Western Sahara. Si Duihi nagserbe bilang tagapag-usip ka mga nadukot ag nagin bihag sa kampo ka Polisario ag sya minahanap man paagi na malabanan ana propaganda anggan mis-impormasyon na pinagtatamaan partikular ana mga babayi.[1] Ku 2019, nakuku man nya a European Prize para sa International Women's Leadership in the European Parliament.[2]

Aktibismo[edit | edit source]

Bilang presidente ka Sahara Observatory, si Duihi nagin responsable sa pakikipagbisara sa mga NGO manungod sa mga kaipuwan tawan sa atensyon ag interes. Kaiba sadi a Independent Human Rights Network ag Sahara League for Democracy and Human Rights, si Duihi nagpaluwas sa testamento na pinagkokondenar ana pan-internasyunal na pagsilensyo sa kampo ka Polisario sa Tindouf ag Lahmada, orog na ana arbitraryong mga paghampangan anggan a pag-aresto sa mga dyurnalista ag aktibista para sa deretsos kan mga tawo.[3]

Si Duihi nagdulok man sa United Nations Security Council tangani na tawan atensyon ana siri pagigin patas ag a diskriminasyon base sa pagkatawo manungod sa papel ka kababaihan sa pag-establisar sa katuninongan sa rehiyon.[1] Susog sadi, nagbulig man iya sa pagtugdas ka pirang mga inisyatibo ka mga tawo ag proyekto na minatutok sa pagpamarhay ka mga kaiginan, ag a mga inisyatibo man sa pagpauntok ka human trafficking.<ref name=":1"/ >

Toltolan[edit | edit source]