Wp/btm/Virgil
Publius Vergilius Maro (Virgil muda saro Inggeris), ima pujangga tarmashur Romawi. Karya-karyania ima puisi pastoral dot epik muda saroLatin, marpangaruh godang tu karya-karya sastra tu pudi ni ari songon La Divina Comedia tingon Dante Alighieri, sanga Paradise Lost tingon John Milton.
Rap dohot pujangga Horatius daot sejarawan Livius, karya-karyania manandai era keemasan sastra Latin klasik periode Augustan.
Atia Poso
Ia sorang i 15 Oktober 70 SM i sada huta margorar Andes, donok Mantua i bariba utara Itali. Natobang nia bope tingon alak nabiaso, Alai manjadi tarpandang borkat ni usao ni alai mambaen barang-barang tembikar. Usao on parjolo irintis ompung nia, Magus, amang ni inangnia, Maggia Polla.
Sikola dasor nia idalani ia i Cremona sampe ia marumur 15 taon (taon 55 SM), i maso pamarentahan Konsul Pompeius dot Crassus. Sidung i ia palalu sikolania tu Milan, torus tu Roma. I kota on, ia mamparsiajari marmocom elmu, tarutamo kedokteran dot matematika. Ia juo mancubok paruntunganna manjadi pangacara, tai arani sinaloanna mangkuling na urang malo dot ngukngek, sakali maia na unjung juguk i pangadilan.