Wp/btm/Vasco da Gama

From Wikimedia Incubator
< Wp‎ | btmWp > btm > Vasco da Gama
Jump to navigation Jump to search
Vasco da Gama

Vasco da Gama (IPA: ['vaʃku dɐ 'gɐmɐ] (Sines, Alentejo, Portugal, ira-ira 1469 – 24 Desember 1524 i Kochi, India) ima sada panjelajah markabangsoan Portugis, na mamungka jalur dalan laut langsung sian Eropa tu Malabar, India dot mambaen panjelajahan laut mangkuliangi Afrika.

Da Gama isuru Raja Manuel I sian Portugal anso manjalaki negeri-negeri Karisten i benua Timur (Bagindo, songon bahat alak Eropa lainna, mangiro molo India i Harajaan Kristen tingon Prester John), dot anso dapot akses Portugis tu pasar komersial i benua Timur. Da Gama pabolak panjelajahan laut sian naparjolo Bartolomeu Dias, na parjolo mangkuliangi Tanjung Harapan i Afrika i taon 1488, na puncakna dohot panjelajahan laut Portugis nai idukung sikola palayaran sian Henrique si Navigator.

Palayaran da Gama marhasil mambangun rute lautan sian Eropa tu India na mamungkinkon parniagaab dohot Timur nadai, inda mamake rute kafilah Jalur Sutera na godang arga dot inda aman, antara Timur Tonga dot Asia Tonga. Tai, palayaran on juo tarhambat arani inda mangoban barang-barang na jop roa ni bangso-bangso i Asia menek dot India. Rute on bahat marana: 54 maia ngon 170 kelasi, dot dua ngon opat kapal, na mulak tu Portugal dohot salamat i 1499. Tai bope songoni, palayaran parjolo da Gama langsung manghasilkon era dominasi Eropa saonok ratusan taon sian sinabetengan laut dot marniaga, dot kolonialisme Portugis saonok 450 taon i India na manghasilkon sinadongan dot agarangan tu hamoraan Portugal.

Pautan ruar[edit]